كەزدەسۋدە ددۇ-نىڭ الماتىداعى مساك جونىندەگى كەڭسەسىنىڭ قىزمەتىن جانداندىرۋ جانە مەديتسينالىق-سانيتارلىق العاشقى كومەك تۋرالى استانا دەكلاراتسياسىن, سونداي-اق بۇۇ باس اسسامبلەياسى دەڭگەيىندە ىلگەرىلەتۋ جونىندەگى جوسپارلار تالقىلاندى.
دەنساۋلىق ساقتاۋ مينيسترلىگىنىڭ باسشىسى دەكلاراتسيادا مەديتسينالىق-سانيتارلىق العاشقى كومەك دەنساۋلىق ساقتاۋ قىزمەتتەرىمەن جاپپاي قامتۋعا جانە تۇراقتى دامۋ سالاسىنداعى دەنساۋلىققا بايلانىستى ماقساتتارعا قول جەتكىزۋ ءۇشىن قاجەتتى تۇراقتى دەنساۋلىق ساقتاۋ جۇيەسىنىڭ ىرگەتاسى بولىپ ايقىندالعانىن اتاپ ءوتتى.
«وسىعان بايلانىستى ءبىز دەنساۋلىق ساقتاۋ سالاسىنىڭ ەكى ماڭىزدى تەرمينىن, مەديتسينالىق-سانيتارلىق العاشقى كومەكتى جانە دەنساۋلىق ساقتاۋ قىزمەتتەرىمەن جاپپاي قامتۋدى بىرىكتىرۋدى, 2023 جىلى بۇۇ باس اسسامبلەياسى بارىسىندا دەنساۋلىق ساقتاۋ قىزمەتتەرىمەن جاپپاي قامتۋ بويىنشا جوعارى دەڭگەيدەگى وتىرىس قارساڭىندا بۇۇ دەڭگەيىندە دەنساۋلىق ساقتاۋدىڭ بىرلەسكەن كۇن ءتارتىبىن ىلگەرىلەتۋدى جالعاستىرۋدى ۇسىنامىز», دەدى ا.عينيات.
بۇل باستاما 2022 جىلى بۇۇ باس اسسامبلەياسى دەڭگەيىندە «مەديتسينالىق-سانيتارلىق العاشقى كومەكتى كۇشەيتۋ ارقىلى دەنساۋلىق ساقتاۋ قىزمەتتەرىمەن جاپپاي قامتۋعا قول جەتكىزۋ» تاقىرىبىنا سايد-يۆەنت ۇيىمداستىرۋدى جانە وتكىزۋدى قامتيدى.
سونداي-اق تاراپتار قازاقستانداعى مساك دامىتۋ ماسەلەلەرى بويىنشا ىنتىماقتاستىقتى, قازاقستاندىق مەديتسينا ماماندارىنا وقىتۋ جۇرگىزۋدى, سونىمەن قاتار ەلىمىزدە مساك قولجەتىمدىلىگى مەن تيىمدىلىگىن باعالاۋ بويىنشا ينديكاتورلاردى ازىرلەۋدى تالقىلادى.
دەنساۋلىق ساقتاۋ ءمينيسترى ددۇ-نىڭ مساك جونىندەگى ەۋروپالىق ورتالىعى كەڭسەسىنىڭ باسشىسىنا ءوزارا ءىس-قيمىلدى جانداندىرعانى ءۇشىن العىس ايتىپ, قازاقستاندىق مساك ماماندارىن ودان ءارى تابىستى وقىتۋدى جالعاستىرۋعا جانە مساك ماسەلەلەرىندە, ونىڭ ىشىندە اۋىلدىق دەڭگەيدە دە تەحنيكالىق جانە ساراپتامالىق قولداۋ كورسەتۋگە مۇددەلىلىك ءبىلدىردى.
سونىمەن قاتار كەزدەسۋ بارىسىندا ددۇ ەۋروپالىق بيۋروسىنىڭ ديرەكتورى حانس كليۋگەنىڭ بيىلعى ناۋرىز ايىندا قازاقستانعا ساپارىن ۇيىمداستىرۋ ماسەلەسى پىسىقتالدى. بۇل ساپاردىڭ ماڭىزدى اسپەكتىسى – 2022-2023 جىلدارعا ارنالعان ىنتىماقتاستىق تۋرالى ەكى جىلدىق كەلىسىمگە قول قويۋ.
