ءىس-شاراعا پرەمەر-ءمينيستردىڭ ورىنباسارى ەرالى توعجانوۆ, پارلامەنت دەپۋتاتتارى, پرەزيدەنت اكىمشىلىگى, پرەمەر-مينيستر كەڭسەسى, ستراتەگيالىق جوسپارلاۋ جانە رەفورمالار جونىندەگى اگەنتتىگى, ورتالىق مەملەكەتتىك ورگانداردىڭ وكىلدەرى, سونداي-اق وبلىستار مەن رەسپۋبليكالىق ماڭىزى بار قالالار اكىمدەرىنىڭ ورىنباسارلارى, كاسىپوداقتار فەدەراتسياسى, «اتامەكەن» ۇكپ, حالىقارالىق ۇيىمدار, ۇەۇ وكىلدەرى قاتىستى.
جيىن بارىسىندا سەرىك شاپكەنوۆ وتكەن جىلى الەۋمەتتىك-ەڭبەك سالاسىن دامىتۋ اياسىندا مينيسترلىك پرەزيدەنت پەن ۇكىمەت قويعان مىندەتتەردى ۋاقتىلى جانە جاۋاپكەرشىلىكپەن ىسكە اسىرعانىن اتاپ ءوتتى. ونىڭ ايتۋىنشا, 2021 جىلى الەۋمەتتىك تولەمدەرگە 3,7 ترلن تەڭگە باعىتتالدى, بۇل رەسپۋبليكالىق بيۋدجەت شىعىستارىنىڭ 24%-ىن قۇرادى. جىل سايىنعى يندەكستەۋ اياسىندا 4 ملن قازاقستاندىق ءۇشىن زەينەتاقى مەن جاردەماقى كولەمى ءوستى. ازاماتتىق قىزمەتشىلەردىڭ جالاقىسىن كەزەڭ-كەزەڭىمەن ارتتىرۋ جالعاسىن تاپتى, ورتا ەسەپپەن ونىڭ ءوسۋى ءبىلىم بەرۋ جۇيەسىندە – 19%, دەنساۋلىق ساقتاۋ سالاسىندا – 20-30%, الەۋمەتتىك سالادا 45%-عا دەيىن قۇرادى.
بۇعان قوسا جۇمىس ىستەيتىن قازاقستاندىقتار ساقتاندىرۋ تاۋەكەلدەرى باستالعان كەزدە مەملەكەتتىك الەۋمەتتىك ساقتاندىرۋ قورىنان تولەمدەر الدى. 2021 جىلى تولەمدەر كولەمى شامامەن 1,1 ملن ادام ءۇشىن 340 ملرد تەڭگەنى قۇرادى.
سونداي-اق مينيستر بىلتىر مەملەكەت باسشىسىنىڭ تاپسىرمالارىن ورىنداۋ ءۇشىن 2022 جىلعى 1 قاڭتاردان باستاپ قازاقستاندىقتاردىڭ ءومىر ءسۇرۋ ساپاسىن ارتتىرۋ بويىنشا جۇمىس جۇرگىزگەنىن ايتتى. وسى جىلدىڭ باسىنان بەرى 591 مىڭ ازاماتتىق قىزمەتشىنىڭ (مادەنيەت, مۇراعات ءىسى ۇيىمدارىنىڭ قىزمەتكەرلەرى, ونىڭ ىشىندە تەحنيكالىق پەرسونال جانە ت.ب.) جالاقىسى ءوستى. ءوسىم 2025 جىلعا دەيىن جىل سايىن ورتا ەسەپپەن 20%-دى قۇرايدى. سونداي-اق 2022 جىلعى 1 قاڭتاردان باستاپ ەڭ تومەنگى جالاقى مولشەرى 60 مىڭ تەڭگەگە دەيىن ۇلعايتىلدى. بۇل ءوسىم 1 ملن 650 مىڭ جالدامالى قىزمەتكەردىڭ تابىسىنا وڭ اسەرىن تيگىزەدى.
ءوز سوزىندە س.شاپكەنوۆ بۇگىنگى تاڭدا ەلىمىزدە 2,2 ملن زەينەتكەر بار ەكەنىن, بيۋدجەتتەن ورتاشا زەينەتاقى مولشەرى 99 937 تەڭگەنى قۇرايتىنىن (ونىڭ ىشىندە ىنتىماقتى زەينەتاقى – 68 839 تەڭگە, بازالىق زەينەتاقى – 31 098 تەڭگە) ەسكە سالدى. 2021 جىلى مەملەكەت باسشىسىنىڭ تاپسىرماسى بويىنشا ازاماتتارعا وزدەرىنىڭ زەينەتاقى جيناعىنىڭ ءبىر بولىگىن الۋ قۇقىعى بەرىلدى. 2022 جىلعى 18 اقپانداعى جاعداي بويىنشا بارلىعى 2,79 ترلن تەڭگەگە جۋىق سوماعا 1 ميلليوننان اسا ءوتىنىش ماقۇلداندى.
– جوعالعان تابىستى زەينەتاقىمەن الماستىرۋ كوەففيتسيەنتى ىنتىماقتى زەينەتاقىدان جيناقتاۋشى زەينەتاقىعا كوشۋدى ەسكەرە وتىرىپ, جىل سايىن تومەندەيدى. بجزق اكتۋارلىق ەسەبىنە سايكەس 2028 جىلى زەينەتاقى ورتاشا ايلىق جالاقىنىڭ شامامەن 47,4%-ىن عانا, 2040 جىلى 39,2%, ال 2060 جىلى بار بولعانى 29,5%-ىن الماستىرادى. سوندىقتان زەينەتاقى جۇيەسىنىڭ تيىمدىلىگىن قامتاماسىز ەتۋ ءۇشىن قازىرگى ۋاقىتتا زەينەتاقى جۇيەسىن ودان ءارى جاڭعىرتۋدىڭ قولدانىستاعى تۇجىرىمداماسىنا وزگەرىستەر مەن تولىقتىرۋلار ەنگىزۋ بويىنشا جۇمىستار جۇرگىزىلۋدە, – دەدى س.شاپكەنوۆ.
سونىمەن قاتار 2021 جىلى 198,4 مىڭ وتباسىنا (ونىڭ ىشىندە 990,5 مىڭ ادام) ااك تاعايىندالدى. بۇل 2020 جىلدىڭ كورسەتكىشىنەن (184,6 مىڭ وتباسى نەمەسە 936,2 مىڭ ادام) 7,4%-عا جوعارى. جالپى, ااك تولەۋگە 65,6 ملرد تەڭگە باعىتتالدى. كەپىلدىك بەرىلگەن الەۋمەتتىك توپتاما ااك الاتىن وتباسىلاردان شىققان 517,2 مىڭ بالاعا بەرىلدى (ونىڭ ىشىندە 259,4 مىڭ مەكتەپ جاسىنا دەيىنگى بالا, 257,8 مىڭ مەكتەپ جاسىنداعى بالا). كەپىلدىك بەرىلگەن الەۋمەتتىك توپتاما تولەۋگە 20,5 ملرد تەڭگە قاراستىرىلعان.
مينيسترلىك قىزمەتكەرلەرى 2021 جىلى ااك الۋشىلار سانىنىڭ وسۋىنە بايلانىستى ااك تاعايىنداۋعا كوشپەلى مونيتورينگ جۇرگىزدى. ونىڭ ناتيجەسىندە ەلدىڭ جەكەلەگەن وڭىرلەرىندە ءتارتىپ بۇزۋشىلىقتار انىقتالدى, بۇل كومەك الۋشىلاردىڭ وسۋىنە اكەلدى.
سونداي-اق س.شاپكەنوۆ مەملەكەت باسشىسىنىڭ جۇمىسپەن قامتۋ جانە حالىقتىڭ تابىسىن ارتتىرۋ ماسەلەلەرىنە قاتىستى تاپسىرمالارىن قالاي ىسكە اسىراتىنى تۋرالى ايتىپ بەردى.
– بيىل قاڭتار ايىندا پارلامەنت ءماجىلىسىنىڭ وتىرىسىندا پرەزيدەنت جۇمىسپەن قامتۋ جانە حالىقتىڭ تابىسىن ارتتىرۋ ماسەلەلەرىنە ەرەكشە نازار اۋدارىپ, ناقتى تاپسىرمالار بەردى. ولاردىڭ كەيبىرەۋلەرى تولىعىمەن ورىندالدى. ماسەلەن, جاستاردى جۇمىسپەن قامتۋ باعىتىندا «جاستار پراكتيكاسى» جانە «العاشقى جۇمىس ورنى» جوبالارى بويىنشا ءوتۋ مەرزىمى مەن جالاقى مولشەرى ۇلعايتىلدى. جاستار پراكتيكاسى 6 ايدان 12 ايعا دەيىن ۇزارتىلدى, ەڭبەكاقى تولەۋ 30 اەك-كە دەيىن ۇلعايتىلدى. «العاشقى جۇمىس ورنى» جوباسىنا قاتىسۋ مەرزىمى جالاقىنى 30 اەك-كە دەيىن وسىرە وتىرىپ, 12 ايدان 18 ايعا دەيىن ۇزارتىلدى. جاستاردىڭ ىسكەرلىك باستامالارىن دامىتۋ ءۇشىن مەملەكەت باسشىسىنىڭ تاپسىرماسى بويىنشا گرانت كولەمى ەكى ەسەگە ارتتى (200 اەك-تەن 400 اەك-كە دەيىن نەمەسە 612,6 مىڭنان 1,2 ملن تەڭگەگە دەيىن). بۇعان قوسا 21 قاڭتاردا مەملەكەت باسشىسى ءىرى وتاندىق بيزنەس وكىلدەرىمەن كەزدەسۋدە شەتەلدىك جۇمىس كۇشىن تارتۋعا كۆوتانى قىسقارتۋ بويىنشا تاپسىرما بەردى. تاپسىرما ورىندالدى, ءتيىستى بۇيرىقتى قابىلدادىق. كۆوتا 28 352 بىرلىكتەن 23 560 بىرلىككە دەيىن قىسقارتىلدى. بۇل شارا ىشكى ەڭبەك نارىعىن قورعاۋعا, سونداي-اق قازاقستاندىق ازاماتتاردى كوپتەپ جۇمىسقا ورنالاستىرۋعا ىقپال ەتەدى, – دەدى س.شاپكەنوۆ.
