قاراعاندىدا مەكتەپ مۇلكىن باس پايداسىنا جاراتقان ديرەكتور ۇستالدى

قاراعاندى وبلىسىنىڭ قارجى پوليتسياسى مەكتەپ مۇلكىن باس پايداسىنا جاراتقان ديرەكتوردى ۇستادى. بۇل تۋرالى «حابار» تەلەارناسى حابارلادى. قارجى پوليتسياسى ۇلىتاۋ اۋداندىق ءبىلىم بەرۋ ءبولىمىنىڭ اكىمشىسى مەن №18 مەكتەپ ديرەكتورىنىڭ ۇستىنەن قىلمىستىق ءىس قوزعادى. ولار مەكتەپتەگى 130 توننا كومىردى ساتىپ, ودان تۇسكەن اقشانى قالتالارىنا سالعان. وسىعان بايلانىستى ءبىلىم ءبولىمىنىڭ شەنەۋنىگى مەن مەكتەپ ديرەكتورىنا قاتىستى قارجى جىمقىرۋ جانە سەنىپ تاپسىرىلعان م ۇلىكتى تالان-تاراجعا سالۋ فاكتىسى بويىنشا ايىپ تاعىلىپ وتىر. ەكەۋىنە دە كەپىلدىك تۇرىندەگى بۇلتارتپاۋ شاراسى قولدانىلدى. «قارجى پوليتسياسى دەپارتامەنتى جەدەل ىزدەستىرۋ شارالارى بارىسىندا ۇلىتاۋ اۋداندىق ءبىلىم بەرۋ ءبولىمىنىڭ اكىمشىسى مەن وسى جەرگىلىكتى جەردەگى №18 ورتا مەكتەپ ديرەكتورى تاراپىنان سەنىپ تاپسىرىلعان م ۇلىكتى ۇرلاۋ جانە ىسىراپ ەتۋ فاكتىسىن انىقتادى. ناقتى ايتقاندا, ولار جالپى سوماسى جارتى ميلليون تەڭگەنى ءوزارا ءبولىسىپ العان»,-دەيدى وبلىستىق قارجى پوليتسياسى دەپارتامەنتىنىڭ ءباسپاسوز حاتشىسى گۇلجان سۇلەيمەنوۆا. ءامىرحان الماعانبەتوۆ. دەرەككوز: «حابار» تەلەارناسى. فوتو: www.Ktk.kz.