وڭدەۋ ونەركاسىبىن دامىتۋ, ينۆەستيتسيالىق بەلسەندىلىكتى ارتتىرۋ جانە وندىرىستەردى تەحنولوگيالىق جاڭعىرتۋ ماسەلەرى قارالعان جيىندا پرەمەر-مينيستر كولىك سالاسىنا دا توقتالىپ ءوتىپ, بىرقاتار اۆتوموبيل جولدارىنا قۇرىلىس-جوندەۋ جۇمىستارى جۇرگىزىلەتىندىگىن جەتكىزدى.
«كولىك سالاسىندا وڭ ديناميكا قالىپتاسىپ, نەگىزگى كورسەتكىشتەردىڭ وسۋىنە قول جەتكىزىلدى. اۆتوجول سالاسىنىڭ الدىندا وڭىرلەردىڭ كولىك بايلانىسىن ارتتىرۋ ءۇشىن اسا ماڭىزدى ءىرى ستراتەگيالىق جوبالاردى ىسكە اسىرۋ مىندەتى تۇر. اۆتوجول سالاسىنىڭ الدىندا وڭىرلەردىڭ كولىك بايلانىسىن ارتتىرۋ ءۇشىن اسا ماڭىزدى ءىرى ستراتەگيالىق جوبالاردى ىسكە اسىرۋ مىندەتى تۇر. بيىل 11 مىڭ شاقىرىم اۆتوموبيل جولىن قۇرىلىس جانە جوندەۋ جۇمىستارىمەن قامتۋ قاجەت», دەدى پرەمەر-مينيستر.
ەنەرگەتيكا ءمينيسترى: جىل سوڭىنا دەيىن قاشاعانداعى جاڭا زاۋىتتىڭ قۇرىلىسى اياقتالادى
سونداي-اق ۇكىمەت باسشىسى حالىقارالىق كولىك دالىزدەرىن جانە پورتتاردىڭ ينفراقۇرىلىمىن دامىتۋعا نازار اۋداردى.
«بۇگىنگى تاڭدا ترانسكاسپي حالىقارالىق كولىك باعىتى – قارقىندى دامىپ كەلە جاتقان دالىزدەردىڭ ءبىرى. اقتاۋ مەن قۇرىق پورتتارىنىڭ ينفراقۇرىلىمىن جاڭعىرتۋدى جەدەلدەتۋ قاجەت. بەكىتىلگەن جوبالاردىڭ قۇرىلىسى مەن جاڭعىرتۋ جۇمىستارى وسى جىلدىڭ سوڭىنا دەيىن اياقتالۋعا ءتيىس», دەپ اتاپ ءوتتى ولجاس بەكتەنوۆ.
ولجاس بەكتەنوۆ: الەۋمەتتىك قامسىزداندىرۋدىڭ ادىلەتتى جۇيەسىن قالىپتاستىرۋ قاجەت
وسىلايشا تەمىرجول جانە اۆتوموبيل جولدارىن سالۋ مەن قايتا جاڭعىرتۋ باعىتىنداعى جۇمىستار ەل ەكونوميكاسىنىڭ دامۋىنا جول اشىپ وتىر.
نۇربولات امانبەك
