اتالعان ىنتىماقتاستىق كەلىسىمى تسيفرلىق مەملەكەتتىك قىزمەتتەردى دامىتۋعا, GovTech شەشىمدەرى مەن جاساندى ينتەللەكت تەحنولوگيالارىن ەنگىزۋگە, سونداي-اق مەملەكەتتىك اقپاراتتىق جۇيەلەردىڭ ارحيتەكتۋراسىن جانە دەرەكتەرمەن جۇمىس ىستەۋدى دامىتۋعا باعىتتالعان. سالاعا جاۋاپتى مينيسترلىكتىڭ مالىمەتىنشە, پراكتيكالىق تۇرعىدا بۇل ازاماتتار مەن بيزنەستىڭ مەملەكەتپەن ءوزارا ءىس-قيمىلىن جەڭىلدەتۋگە جانە مەملەكەتتىك پروتسەستەردىڭ تيىمدىلىگىن ارتتىرۋعا مۇمكىندىك بەرەتىن شەشىمدەردى قامتيدى.
ء«بىز بۇل ىنتىماقتاستىقتى تەك ەل ىشىندە تسيفرلىق شەشىمدەردى دامىتۋ مۇمكىندىگى عانا ەمەس, سونىمەن قاتار قازاقستاندىق GovTech تاجىريبەلەرىن وڭىرلىك دەڭگەيدە اۋقىمداۋ مۇمكىندىگى رەتىندە قاراستىرامىز. بۇل تسيفرلىق پلاتفورمالاردى ىلگەرىلەتۋ, بىرلەسكەن جوبالاردى جۇزەگە اسىرۋ جانە تەحنولوگيالىق ساراپتامانى ەكسپورتتاۋ تۋرالى. بولاشاقتا بۇل ورتالىق ازيادا GovTech سالاسىندا وڭىرلىك قۇزىرەت ورتالىعىن قالىپتاستىرۋعا نەگىز بولۋى مۇمكىن», دەپ اتاپ ءوتتى تسيفرلىق ۇكىمەتتى قولداۋ ورتالىعىنىڭ باس ديرەكتورى اليا وسپانوۆا.
جي جانە مەملەكەتتىك قىزمەتتەر: AlemGPT سەرۆيسىنىڭ مۇمكىندىكتەرى قانداي؟
كەلىسسىوز بارىسىندا تاراپتار مەملەكەتتىك پروتسەستەردى رەينجينيرينگتەۋ, تسيفرلاندىرۋدىڭ پلاتفورمالىق مودەلىنە كوشۋ, Big Data جۇيەلەرىن دامىتۋ جانە باسقارۋشىلىق شەشىمدەردى ينتەللەكتۋالدى قولداۋ باعىتتارى بويىنشا ءوزارا ءىس-قيمىل جاساۋعا كەلىستى.
ەندى مەملەكەتتىك قىزمەتكە كادرلاردى ىرىكتەۋ تسيفرلىق فورماتتا جۇزەگە اسىرىلادى
ماماندارىنىڭ پىكىرىنشە, بۇل باعىتتاعى ناتيجەلى كەلىسسوزدەر ورتالىق ازيا ەلدەرىنىڭ نارىقتارىنا تسيفرلىق شەشىمدەر مەن تەحنولوگيالىق ساراپتامانى ىلگەرىلەتە تۇسپەك.
نۇربولات امانبەك
