«شارۋالارعا قارجىلىق جۇكتەمەنى ازايتۋ ماقساتىندا قارجى جانە اۋىل شارۋاشىلىعى مينيسترلىكتەرى استىق تاسىمالداۋعا بايلانىستى شىعىستاردى قوسىمشا قارجىلاندىرۋ ماسەلەسىن شەشۋى قاجەت. مال جانە وسىمدىك شارۋاشىلىعى سالالارى بويىنشا قارىزدارعا كەپىلدىك بەرۋ قۇرالىن ىسكە اسىرۋ ءۇشىن اۋىل شارۋاشىلىعى, قارجى, ۇلتتىق ەكونوميكا مينيسترلىكتەرىنە جانە «بايتەرەك» حولدينگىنە قاجەتتى قاراجات كوزدەرىن قاراستىرۋدى تاپسىرامىن», دەدى ولجاس بەكتەنوۆ.
توزعان جايىلىم, تورىققان شارۋا: ءتۇيىن قاشان تارقاتىلادى؟پرەمەر-مينيستر قارجى رەسۋرستارىنىڭ قولجەتىمدىلىگىن كەڭەيتۋ تۇرعىسىندا الەۋمەتتىك-كاسىپكەرلىك كورپوراتسيالارعا ينۆەستيتسيالىق ماقساتتار مەن اينالىم قاراجاتىن ساتىپ الۋ ءۇشىن اگروونەركاسىپ كەشەن سۋبەكتىلەرىن قارجىلاندىرۋعا مۇمكىندىك بەرۋ قاجەتتىگىن اتاپ ءوتتى. وسىعان بايلانىستى, اۋىل شارۋاشىلىعى, ۇلتتىق ەكونوميكا مينيسترلىكتەرى باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ, ەكى اپتا ىشىندە ۇكىمەت قاۋلىسىنا ءتيىستى وزگەرىستەر ەنگىزۋدى تاپسىردى.
ايتا كەتەيىك, بۇگىن ۇكىمەت وتىرىسىندا 2026 جىلدىڭ قاڭتار-ناۋرىز ايلارىنداعى الەۋمەتتىك-ەكونوميكالىق دامۋ قورىتىندىلارى مەن رەسپۋبليكالىق بيۋدجەتتىڭ ورىندالۋى قارالدى.
