استانادا دەنى ساۋ بالالار جالعان قۇجاتپەن وڭالتۋ ورتالىقتارىندا تاربيەلەنگەن

استانا قالاسىندا دەنى ساۋ 40 بالا جالعان قۇجاتپەن مۇگەدەك بالعىندارعا ارنالعان وڭالتۋ ورتالىقتارىندا تاربيەلەنىپ كەلگەن. بۇل تۋرالى «قازاقستان» تەلەارناسى حابارلادى. استانا قالالىق پروكۋراتۋراسى تەكسەرۋ بارىسىندا ەلوردادا مۇگەدەك بالالارعا ارنالعان ارنايى ءبىلىم بەرۋ ۇيىمدارىنىڭ تاپشى ەكەنىن انىقتادى. ال وسى باعىتتا جۇمىس ىستەپ جاتقان ءبىلىم وشاقتارىنىڭ ماتەريالدىق-تەحنيكالىق بازاسى مەن سانيتارلىق جاعدايى سىن كوتەرمەيدى. سونىمەن بىرگە, سۋردولوگ, لوگوپەد سىندى ماماندار جەتىسپەيدى. قازىر استانا قالاسىندا 7 مىڭنان اسا مۇمكىندىگى شەكتەۋلى بالالار تۇرادى ەكەن. سوڭعى 3 جىلدا ولاردىڭ سانى 16 پايىزعا وسكەن. «مۇگەدەك بالالارعا ارنالعان وڭالتۋ ورتالىعىن تەكسەرگەندە بىرقاتار كەمشىلىكتەر انىقتالدى. ماسەلەن, ءدارى-دارمەكتى ساتىپ الۋ زاڭدىلىعى بۇزىلعان. بۇعان قوسا, بىرقاتار ءبىلىم وشاعىنىڭ ليتسەنزياسى تالاپقا سايكەس ەمەس ەكەنى انىقتالدى»,- دەيدى استانا قالالىق پروكۋرورىنىڭ اعا كومەكشىسى شولپان كوشەنوۆا. ءامىرحان الماعانبەتوۆ. دەرەككوز: «قازاقستان» تەلەارناسى. فوتو: www.Inform.kz.