قازاقستان رەسپۋبليكاسىنداعى يتاليا ەلشىلىگىنىڭ سايتىندا حابارلانعانداي, يتالياعا تۋريستىك ساپارلارعا قولدانىستاعى شەكتەۋلەر توقتاتىلادى, ياعني 1-31 ناۋرىز ارالىعىندا قازاقستاندىقتارعا ەۋروپا ەلىنە كىرۋگە رۇقسات ەتىلەدى.
قازاقستان رەسپۋبليكاسىنداعى يتاليا ەلشىلىگىندە بۇل ءۇشىن كەلەسى قۇجاتتار قاجەت ەكەنىن اتاپ ءوتتى:
- ساۋالناما;
- كەلەسى قۇجاتتاردىڭ ءبىرى: ەۋروپالىق دارىلىك زاتتار اگەنتتىگى تانىعان پرەپاراتپەن كوروناۆيرۋسقا قارسى ۆاكتسيناتسيالاۋ تۋرالى انىقتاما, ول ۆاكتسيناتسيالاۋدىڭ تولىق ءبىرىنشى كۋرسىن اياقتاعاننان كەيىن نەمەسە رەۆاكتسيناتسيادان وتكەننەن كەيىن بەرىلۋى ءتيىس. ەگەر ۆاكتسيناتسيا تۋرالى انىقتاما بولماسا, وندا 180 كۇننەن اسپايتىن ۋاقىت وتكەن ءتيىستى ءوزىن-ءوزى وقشاۋلاۋ كەزەڭىنىڭ اياقتالۋ كۇنىن كورسەتە وتىرىپ, ساۋىعۋ تۋرالى انىقتامانى ۇسىنۋعا رۇقسات ەتىلەدى. سونداي-اق, تەرىس ناتيجەسى بار انتيگەندىك جەدەل تەست (جارامدىلىق مەرزىمى 48 ساعات) نەمەسە مولەكۋلالىق پتر تەستى (جارامدىلىق مەرزىمى 72 ساعات) تۋرالى انىقتاما بەرۋگە بولادى.
انىقتامالاردىڭ ءبىرى بولماعان جاعدايدا ساياحاتشى بەس كۇندىك كارانتيندى وتەۋگە, ال كارانتيننەن كەيىن كوروناۆيرۋستىق ينفەكتسياعا تەستىلەۋدەن وتۋگە مىندەتتى.
