سەيسەنبى كۇنگى مالىمدەمەدە ىشكى ىستەر ءمينيسترى الكاسسۋم ينداتۋ مالي شەكاراسىنا جاقىن ورنالاسقان تيللابەري اۋدانىندا بەلگىسىز قارۋلى توپ كولىككە شابۋىل جاساعانىن حابارلادى. ونىڭ ايتۋىنشا, فوني گاندا اۋىلىنىڭ 13 تۇرعىنى مەن تيزەگورۋ اۋىلىنىڭ 5 ادامى قازا تاپقان.
ۇكىمەت وكىلىنىڭ حابارلاۋىنشا, 2021 جىلى قارۋلى توپتار ايماقتاعى بەيبىت تۇرعىندارعا كوپتەگەن شابۋىل جاساپتى. ماسەلەن, 2021 جىلعى 2 قاراشادا ءوزىن ءوزى قورعاۋ ميليتسياسىنىڭ 69 مۇشەسىن ءولتىرىپ كەتكەن. سول جىلدىڭ قازان ايىندا موتوتسيكل مىنگەن شابۋىلشىلار كەشكى ناماز كەزىندە تيزەگور ماڭىنداعى مەشىتتە 10 ادامدى ولتىرگەن.
ەلدىڭ قورعانىس مينيسترلىگىنىڭ مالىمەتىنشە, وسى ايدىڭ باسىندا ەلدىڭ وڭتۇستىك-باتىسىندا ساحەلدە ۇيىمداستىرىلعان جارىلىس سالدارىنان بەس نيگەرلىك سارباز قازا تاپقان.
بۇل قارۋلى توپپەن كۇرەسۋ ءۇشىن ەلگە شاقىرىلعان حالىقارالىق كۇشتەردىڭ كومەگىنە قاراماستان الگىلەرگە توسقاۋىل تابىلماي وتىر. جەرگىلىكتى كۇشتەردى يسلامدىق راديكالدار قولدايدى دەگەن اقپارات بار.
