بالىق نەدەن قىرىلدى؟

ارال-سىرداريا وبلىسارالىق باسسەيندىك بالىق شارۋاشىلىعى ينسپەكتسياسى باسشىسىنىڭ مىن­دەتىن اتقارۋشى جانقوجا ساپا­روۆتىڭ ايتۋىنشا, ينسپەك­تسيا تاراپىنان ارنايى توپ قۇرىلىپ, زەردەلەۋ جۇمىستارى بارىسىندا ۇزىندىعى 1,2 شاقىرىم, ەنى 16 مەتر بولاتىن كانال بويىنان بىرنەشە ويىق جاسالىپ, سۋداعى وتتەگى مولشەرى 3,5 مگ/دم³,

تەمپەراتۋرا 2,5ºس ەكەندىگى انىق­تالعان.

وسى كۇنى بالىقتى ساقتاپ قالۋ ءۇشىن قولدان وتتەگى بەرۋ جۇمىستارى قولعا الىندى. وت­تەگى جەتىسپەۋشىلىگىنەن بولەك بالىق­تىڭ قىرىلۋىنا سۋدىڭ ازدىعى, ەكى كانالدىڭ ورتاسىنىڭ ءبولىنىپ قالۋى, مۇزدىڭ قالىڭ­دىعى دا اسەر ەتكەن.

– ارال ورمان جانە جانۋار­لار دۇنيەسىن قورعاۋ جونىندەگى مەملە­كەتتىك مەكەمەسى قىزمەتكەرلەرى ساعىنباي كانالىندا 25 ويىق جاساپ, مۇز شۇڭقىرلارىنا قامىس سالىندى, – دەدى وڭىرلىك كوممۋنيكاتسيالار قىزمەتىندە وتكەن ءباس­پاسوز كونفەرەنتسياسىندا وب­لىس­تىق تابيعي رەسۋرستار جانە تابيعات پايدالانۋدى رەتتەۋ باس­قارماسى باسشىسىنىڭ مىندەتىن اتقارۋشى ايدوس اياعانوۆ.

ءتيىستى ورىن وكىلدەرى بالىقتان جانە سۋدان العان سىناما بويىنشا ساراپتاما جۇمىستارىن باس­تاپ كەتتى.

قىزىلوردا وبلىسى