ء«بىزدىڭ كيەۆتەگى ەلشىلىك قازىر تولىق جۇمىس ىستەيدى. بۇل ۋكرايناداعى ءبىزدىڭ ازاماتتارىمىزبەن بايلانىستى. ارينە, ولاردى ەۆاكۋاتسيالاۋ جولدارى قاراستىرىلادى. سوندىقتان, قانداي دا ءبىر سوعىس قيمىلدارى بولعان جاعدايدا, قازاقستان ازاماتتارى كيەۆتەگى ەلشىلىگىمىزبەن شۇعىل بايلانىسا الادى», دەدى قر سىرتقى ىستەر ءمينيسترى.
ونىڭ ايتۋىنشا, قازىرگى ۋاقىتتا قازاقستاندىق ديپلوماتتار ۋكراينادا ورنالاسقان.
«ۋكراينادا ءبىزدىڭ ديپلوماتتار ءالى دە بار. سوعىس جاعدايىندا ءبىزدىڭ ۆەدومستۆو ەۆاكۋاتسيالاۋ جوسپارلارىن جۇزەگە اسىراتىن بولادى», دەپ قوستى مۇحتار تىلەۋبەردى.
ول, سونداي-اق, قازاقستاندا دونەتسك جانە لۋگانسك حالىق رەسپۋبليكالارىن تانۋ تۋرالى ماسەلە كوتەرىلمەگەنىن حابارلادى. قازاقستاننىڭ تۇپكىلىكتى ۇستانىمى قاۋىپسىزدىك كەڭەسىنىڭ وتىرىسىندا قابىلدانادى.
