«مينيسترلىك رەسپۋبليكادا كوروناۆيرۋستىق ينفەكتسيا شتاممىنىڭ اينالىمداعى نۇسقالارىنا مونيتورينگ جۇرگىزۋدى جالعاستىرۋدا. اقپان ايىندا وڭ ۇلگىلەردى گەنوتيپتەۋ اياقتالدى, ەلىمىزدىڭ بارلىق وڭىرلەرىندە «وميكرون» نۇسقاسىنىڭ اينالىمى انىقتالدى جانە زەرتتەلگەن ۇلگىلەردىڭ جالپى سانىنىڭ 72%-ىن قۇرادى», دەدى اجار عينيات ۇكىمەت وتىرىسىندا.
ونىڭ ايتۋىنشا, بارلىق ايماقتاردا «وميكرونمەن» قاتار «دەلتا» شتامم اينالىمى جالعاسۋدا جانە ۇلگىلەردىڭ جالپى سانىنىڭ 25% قۇرايدى.
«سوڭعى اپتادا الەمدە كوروناۆيرۋستىق ينفەكتسيامەن اۋىراتىنداردىڭ سانى 20%-عا ازايدى», دەدى اجار عينيات.
ءمينيستردىڭ ايتۋىنشا, اۋرۋدىڭ تومەندەۋى 215 ەلدىڭ 180-ىندە, اتاپ ايتقاندا امەريكادا - 46%-عا, ارمەنيادا - 45%-عا, چەحيادا - 32%-عا, ۇلىبريتانيادا - 23%-عا, تۇركيادا - 11%-عا, اۆستريا مەن رەسەيدە - 9%-عا بايقالادى.
سونىمەن قاتار, الەمنىڭ 35 ەلىندە, ونىڭ ىشىندە مالايزيادا - 1,4 ەسە, قىتايدا - 1,3 ەسە, تايلاندتا - 1,2 ەسە اۋرۋدىڭ ءوسۋى جالعاسۋدا.
«الەمدىك رەيتينگتە سوڭعى ايدا قازاقستان سىرقاتتانۋشىلىق بويىنشا 5 پوزيتسياعا جاقسارىپ, 120 - ورىندا تۇر, ءولىم-ءجىتىم بويىنشا كورسەتكىش 6 پوزيتسياعا جاقسارىپ, 225-تەن 108-ورىنعا كوتەرىلدى», دەپ تۇيىندەدى مينيستر.
