بالۋاندار چەمپيوندى ەسكە الدى

ەڭ اۋەلى قۋانىش سالىقباي دەگەن كىم؟ وسىعان ازىراق توق­تالساق. ق.سالىقباي (08.07.1971–16.04.2019) شى­عىس قازاقستان وبلىسى, ءۇرجار اۋدا­نى, قىزىلبۇلاق اۋىلىن­دا دۇنيەگە كەلگەن. سەمەي مال­دارىگەرلىك ينستيتۋتىندا وقي ءجۇرىپ, قازاقستاننىڭ ەڭبەك سىڭىرگەن جاتتىقتىرۋشىلارى س.توقتارعازين مەن س.قور­جىكەنوۆتىڭ كومەگىمەن كۇرەس ونەرىنىڭ ءادىس-تاسىلدەرىنە اب­دەن قانىققان. اۋەلى ما­قان­شى (قازىرگى ءۇرجار) اۋدا­نى­نىڭ, سوسىن سەمەي (كەيىن­نەن شىعىس قازاقستان) وب­لى­سىنىڭ جانە قازاقستان قۇ­راما كومانداسىنىڭ نامىسىن قورعاعان. ول – 48 جىلدىق عۇمىرىنىڭ 35 جىلىن كىلەم ۇستىندە وتكىزگەن, كۇرەس تاريحىندا ەڭ ۇزاق بەلدەس­كەن بالۋاننىڭ ءبىرى. ول سامبو, قازاق جانە بەلبەۋ كۇرەستەرىنەن حالىقارالىق دارەجەدەگى سپورت شەبەرى, سامبودان قازاقستاننىڭ بەس دۇركىن چەمپيونى جانە ءتورت دۇركىن ەل كۋبوگىنىڭ يەگەرى, ازيا چەمپيونى جانە الەم چەم­پيونى (35-39 جاستاعىلار اراسىندا), بەلبەۋ كۇرەسىنەن الەم چەمپيوناتىنىڭ كۇمىس جۇل­دەگەرى, قازاقستاننىڭ بەس دۇركىن, ازيانىڭ ءۇش مارتە ابسوليۋتتىك چەمپيونى.

– الداعى ۋاقىتتا سەمەيدە قۋانىش سالىقباەۆتىڭ اتىن­دا قازاق كۇرەسىنەن تۋرنير وتكىزسەك, ونى تۇراقتى وتە­تىن بەدەلدى رەسپۋبليكالىق تۋر­نير­­گە اينالدىرساق, – دەگەن قازاقستاننىڭ ەڭبەك سىڭىرگەن جات­تىقتىرۋشىسى سەرىك توق­تارعازين ق.سالىقبايدىڭ 35 جاسقا دەيىن ۇزبەي كۇرەسىپ, تولا­عاي تابىسقا جەتكەنىن ايتتى. – «بالۋانداردىڭ كوبى وتىزدان اسا بەرە كۇرەستى توقتاتادى. ال قۋا­نىش – وتىز بەس جاسقا دەيىن ۇزبەي كۇرەسىپ كگپ, ارداگەر­لەر اراسىندا سامبودان قىرىق شاقتى رەسپۋبليكالىق جانە حالىق­ارالىق تۋرنيرلەردىڭ ابسو­ليۋتتىك چەمپيونى, قازاق­ستاننىڭ بەس دۇركىن, ازيانىڭ ءۇش مارتە ابسوليۋتتىك چەمپيونى بولىپ, شىعىس قازاقستان وبلىسىنىڭ نامىسىن ابىرويمەن قورعاعان بالۋان ەدى», دەدى ول.

– قۋانىش اعامىز – سامبو جانە قازاق كۇرەستەرىنەن وزىن­دىك ورنەگى, ايلا-ءتاسىلى, جە­ڭىسكە دەگەن قۇلشىنىسى بار بالۋان ەدى. سوندىقتان ونىڭ ەسىمى قازاق كۇرەسىندە ءاردايىم قالادى دەپ سەنەمىن, – دەيدى قازاق كۇرەسى فەدەراتسياسىنىڭ شىعىس قازاقستان ءوڭىرى بويىن­شا پرەزيدەنتى, قازاق كۇرە­سىنەن الەم جانە ازيا چەمپيو­نى, «قازاقستان بارىسى» ءتۋر­­نيرىنىڭ كۇمىس جانە قولا جۇل­دەگەرى شالقار جولامانوۆ. – ءبىز, سەمەي بالۋاندارى مەن باپكەرلەرى قۋانىشتىڭ اتىن قازاق كۇرەسىندە ءاردايىم ەستە قالدىرىپ, جاس ۇرپاق ونىڭ كۇرەس جولىنان ۇلگى-ونەگە الۋ ءۇشىن سەمەيدە قۋانىشتىڭ اتىندا قازاق كۇرەسىنەن تۇراق­تى تۇردە وتەتىن بەدەلدى رەس­پۋبليكالىق تۋرنير وتكىزسەك دەپ ءوزارا اقىلداسىپ شەشتىك. ەندى جوسپارىمىزدى باسشىلارىمىز قولداسا دەگەن نيەت بار.

جەڭىمپازدار مەن جۇلدەگەرلەر

سپورتتىق سامبو:

1-ورىن: 53 كگ: سۇڭعات نۇرلات ۇلى, (2.المات كارىم, 3.باقداۋلەت نۇرمۇحانبەت), 58 كگ: 1.نۇرىم قايروللين (2.داۋلەت امان ۇلى, 3.جاقسىلىق وسپانوۆ), 64 كگ: 1. ەسەنتاي يماحانوۆ (2.تولەگەن نۇرعاليەۆ, 3.ديدار تۇقىشوۆ), 71 كگ: 1.جاناسىل ءانۋاروۆ (2.جاسىن قالياقپاروۆ, 3.ايان قۇرمانبەك), 79 كگ: 1.روللان ساياتوۆ (2.شالقىبەك راحمەتوللا, 3.نۇرجان بەكەشوۆ), 88 كگ: 1. رۋسلان جارقىنباەۆ (2. قۋانىش راتاەۆ, 3. ەلدار بەيسەمباەۆ), 98 كگ: 1. قۋاندىق ستامپولوۆ (2.ايان رامازانوۆ, 3.جولامان ماناربەك ۇلى), +98 كگ: 1.تالعات امىرەنوۆ (2. ءادىل تۇكەشەۆ, 3. بەكسۇلتان عيزات).

جاۋىنگەرلىك سامبو:

1-ورىن: 53 كگ: 1. جاستىلىك احمەتبەكوۆ (2. ەركەبۇلان مىرزاحانوۆ, 3. ەرزات ماراتبەكوۆ), 58 كگ: 1. مۇحتار مەيرامبەك (2. سەمەن كاراتاەۆ, 3.رومان بويكو), 64 كگ: 1. ماراتبەك راحمەتوللين (2.ماناربەك اسەمباي, 3.قانات تىلەۋبەرگەنوۆ), 71 كگ: 1. داۋرەن داكەنوۆ (2.ازامات بايگوجين, 3.ەراسىل زيادانوۆ), 79 كگ: 1.نۇربولات قۇلبەكوۆ (2. ەلامان تولەش, 3. توقتاسىن ءداۋىت), 88 كگ: 1.ماعجان جۇماشەۆ (2. جايدار حاسەنوۆ, 3. ەلدوس مىرزاحمەتوۆ), 98 كگ: 1.ەركەبۇلان وماروۆ (2. نۇرسۇلتان جۇماعاليەۆ), +98 كگ: 1. ءالىبي ءۋالي (2.دامير سەكەن).