كەنەپتەگى كۇيبەلەڭ

ويدا جوقتا بولعان ويراننان ەڭ كوپ زارداپ شەككەن اي­ماق – الما­تى قالاسى. ەشكىمدى الالا­­ماي­تىن ارمان قالانىڭ سول سات­تەگى سۇرەڭسىز كەيپى تا­لايلار­­دىڭ جانىن اۋىرتتى. وسى ءبىر ­سە­زىمدى بوياۋ تىلىمەن بەرە ال­عان كار­تينالاردىڭ ءبىر شو­عى­رىن مەم­لەكەتتىك ورتالىق مۋ­زەي قابىرعاسىنان اشىل­عان «مە­نىڭ قازاقستانىم – مە­­نىڭ وت­باسىم» كورمەسىنەن كەز­­دەس­تىردىك. «المالى پاليت­را» سۋ­رەت­شىلەر قاۋىمداستى­عى ۇسى­نعان كورمەنىڭ باستى تاقىرىبى – قاتەر قۇشاعىن­داعى مەگاپوليس ءھام قاي­تا تۇتانعان ءۇمىت شىراعى. بەل­­سەندى سۋرەتشىلەر ءوز جۇ­مىس­تارىندا ەلىنە دەگەن سۇيىس­­پەنشىلىگىن، قولداۋىن جانە ما­حابباتىن كورسەتە بىلگەن.

– جىل باسىندا ورىن العان «قاڭتار وقيعاسى»، ارقاي­سى­سىمىزعا سۇيىكتى قالامىز ال­ماتىنىڭ ماڭىزدى ەكەنىن، ءتىپتى ءومىر قۇندىلىعىن ۇعىن­­دىردى. كورمە 35 سۋ­رەت­ش­ى­­نىڭ جۇمىسىن بىرىكتىرىپ وتىر. كەلۋشىلەر نازارىنا – بەينەلەۋ ونەرى، اكۆا­رەل، گرافيكا، ساندىك قول­دان­بالى ونەر جانە تاعى باس­قا جانر­داعى شىعارمالار ۇسى­نىلعان. كوركەم تۋىنىلار قالا­مىزدىڭ تاريحىن، سونىمەن قاتار ءار عيماراتتىڭ تاريحي قۇندىلىعىن، ولاردىڭ ءبىز ءۇشىن قانشالىقتى باعالى ەكەنىن قاپەرىمىزگە سالادى. بوستاندىق پەن بەيبىتشىلىك – باعا جەتپەس قۇندىلىق. سۋرەت­شىلەرىمىز دە بۇل ءبىزدىڭ بەرىك ۇستانىمىمىز ەكەنىن ايشىقتاۋعا تىرىسقان. اينا­لامىزداعى تۇمسا تابيعات، تۇرعىنداردىڭ باقىتتى ءومى­رى، الاڭسىز تىرشىلىك – ءومىر­دىڭ جارقىن كەلبەتى. ءار شى­عارمانىڭ استارىندا وسىنداي وي جاتىر، – دەيدى كورمە جەتەكشىسى ليديا دروزدوۆا.

ونەر جارمەڭكەسى قىل­قا­لام شەبەرلەرىنىڭ ارمان قا­لاعا دەگەن ىڭكارلىگىن پاش ەتەدى. ونەر – ۋاقىت ءۇنىن تا­ريح­قا تاڭ­بالاۋدىڭ ءبىر تەتىگى ەكە­نىن ەس­كەرسەك، كورمە اشىلا سالى­سى­مەن سۋرەتتەردى سا­تىپ الۋعا قى­زىعۋشىلىق تا­نىت­قاندار قا­تارى ارتقان. ۇيىم­داس­تى­رۋ­شىلار كەيبىر كار­تينا­لار مەم­­­لەكەتتىك ورتالىق مۋزەي قو­­رىن تولىق­تىراتىنىن ­ايت­ادى.