قازاقستان • 20 اقپان، 2022

EXPO 2020 Dubai كورمەسىندە قازاقستاندىق پاۆيلون ميلليونىنشى كەلۋشىسىن قارسى الدى

38 رەت كورسەتىلدى

بۇگىن دۇنيەجۇزىلىك EXPO 2020 Dubai كورمەسىندەگى قازاقستان رەسپۋبليكاسىنىڭ ۇلتتىق پاۆيلونى ميلليونىنشى كەلۋشىسىن قارسى الدى. ول دۋباي قالاسىنىڭ 38 جاسار تۇرعىنى، كاسىپكەر ماحمۋد ءال بۋراي اتاندى، دەپ حابارلايدى Egemen.kz.

ونىڭ ايتۋىنشا، ول قازاقستاندا بۇرىن-سوڭدى بولماعان، سوندىقتان ءبىزدىڭ ەلگە كەلۋ مۇمكىندىگىن جىبەرىپ الماۋعا تىرىساتىنىن ايتتى.

«دوستارىم ماعان قازاقستان پاۆيلونىنا بارۋعا كەڭەس بەردى. ولار ونىڭ EXPO-داعى ەڭ ۇزدىك پاۆيلونداردىڭ ءبىرى ەكەنىن ايتتى. مەن قازاقستاندا ەشقاشان بولعان ەمەسپىن، سودان بولار پاۆيلوننىڭ مازمۇنىنان ۇلكەن اسەر الدىم. ماعان اسىرەسە روبوت قولمەن ۇسىنىلعان قويىلىم ۇنادى، ول وتە ەموتسيونالدى جانە كەرەمەت، ال پاۆيلون الدىندا ونەر كورسەتكەن ۇلتتىق وركەستر تاماشا تۋىندىلاردى ورىنداۋىمەن ءتانتى ەتتى. مەن ەلدەرىڭىزگە بارىپ، ساياحات جاسايتىنىما وتە قۋانىشتىمىن»، دەدى ءال بۋراي.

قازاقستاندىق پاۆيلون مەن قازاقستان رەسپۋبليكاسى، سونداي-اق EXPO 2020 Dubai ۇيىمداستىرۋشى كوميتەتى اتىنان ميلليونىنشى قوناقتى قازاقستان رەسپۋبليكاسى پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانوۆ، قازاقستان رەسپۋبليكاسىنىڭ ءباا-دەگى توتەنشە جانە وكىلەتتى ەلشىسى ماديار مەڭىلبەكوۆ، EXPO 2020 Dubai كورمەسى توراعاسىنىڭ حالىقارالىق قاتىسۋشىلار جونىندەگى ورىنباسارى ومار شەحادە، EXPO 2020 Dubai-داعى قازاقستان رەسپۋبليكاسىنىڭ ۇلتتىق سەكتسياسىنىڭ باس كوميسسارى اللەن ءشايجۇنىسوۆ قۇتتىقتادى.

ماحمۋد ءال بۋرايعا قازاقستانعا تەگىن تۋرعا ەكى ادامعا ارنالعان سەرتيفيكات بەرىلدى. اۋە بيلەتتەرى مەن قازاقستانعا بارۋ تۋرىن قازاقستاندىق Air Astana اۋە كومپانياسى مەن «Kazakh Tourism» ۇلتتىق كومپانياسى ۇسىندى.

ەستەرىڭىزگە سالا كەتەيىك، دۇنيەجۇزىلىك EXPO 2020 كورمەسى دۋبايدا 2021 جىلدىڭ 1 قازانى مەن 2022 جىلدىڭ 31 ناۋرىزى ارالىعىندا وتەدى جانە تاياۋ شىعىستاعى العاشقى EXPO كورمەسى. كورمەنىڭ تاقىرىبى – «اقىل-ويدى بىرىكتىرىپ، بولاشاقتى قۇرۋ». EXPO 2020 Dubai ۇيىمداستىرۋ كوميتەتىنىڭ مالىمەتى بويىنشا، 15 اقپانداعى ەسەپ بويىنشا كورمەنى 13،5 ملن ادام تاماشالاعان، ال ۇلتتىق پاۆيلونعا كۇنىنە ورتا ەسەپپەن 8 مىڭ ادام كەلەدى.

قازاقستان پاۆيلونىنىڭ تۋريستەر ءۇشىن تارتىمدىلىعىنا سۋرەت سالعان ادامدار سانى بويىنشا گيننەستىڭ رەكوردتار كىتابىنا ەنگەن «الەم بەينەسى» ارت-جوباسى مۇمكىندىك بەرەدى.

تۋريستىك قىزىعۋشىلىقتان بولەك، ول حالىقارالىق بيزنەس توپتارى اراسىندا جوعارى قىزىعۋشىلىققا يە. قر ۇلتتىق پاۆيلونىنىڭ الاڭىندا 30-عا جۋىق ىسكەرلىك ءىس-شارا جوسپارلانعان، ونىڭ اياسىندا كونفەرەنتسيالار، فورۋمدار، B2B كەزدەسۋلەر وتەدى، سونداي-اق ەلدىڭ ينۆەستيتسيالىق جانە تۋريستىك الەۋەتى بويىنشا جوبالار، عىلىم جانە ءبىلىم بەرۋ سالاسىنداعى باستامالارى ۇسىنىلادى.

سوڭعى جاڭالىقتار

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

ۇقساس جاڭالىقتار