بۇۇ-نىڭ ايتۋى بويىنشا, ادامزاتقا ءتونىپ تۇرعان باستى قاۋىپتەردىڭ قاتارىنا اۋقىمدى ورمان ورتتەرى مەن اۋانىڭ شەكتەن تىس لاستانۋى جاتادى. ماماندار بۇل قۇبىلىستاردىڭ ادام دەنساۋلىعى مەن قورشاعان ورتاعا ايتارلىقتاي كەرى اسەر ەتەتىندىگىن تاعى دا اتاپ ءوتتى.
«2002 جىلدان 2016 جىلعا دەيىن الەمدە جىل سايىن ورتا ەسەپپەن 423 ميلليون گەكتار ورمان ورتەندى. مامانداردىڭ زەرتتەۋىنشە, ءورتتىڭ شامامەن 67%-ى افريكا ەلدەرىنە تيەسىلى. الايدا, يۋنەپ-ءتىڭ زەرتتەۋىنشە تابيعي اپاتتار جىلدان جىلعا بۇرىن مۇلدە بولماعان ايماقتاردا ءجيى بولادى», دەپ جازىلعان حابارلامادا.
سونداي-اق باياندامادا قالالارداعى اۋانىڭ شەكتەن تىس لاستانۋىنا نازار اۋدارىلعان. ساراپشىلاردىڭ پىكىرىنشە, جاعىمسىز ءارى ۇزاققا سوزىلعان قاتتى دىبىستار ادام دەنساۋلىعىنا كەرى اسەر ەتەدى. سوزىلمالى دەنە تىتىركەنۋى مەن ۇيقىنىڭ بۇزىلۋىن تۋدىرادى. بۇل ءوز كەزەگىندە جۇرەك-قان تامىرلارى اۋرۋلارىنا, پسيحيكانىڭ, ەستۋ قابىلەتىنىڭ بۇزىلۋىنا اكەلەدى.
ەۋروپا ەلدەرىندە وسىنداي جاعدايلاردىڭ كەسىرىنەن جىل سايىن 12 مىڭ تۇرعىن قايتىس بولادى.
توعانبەك ايانا,
ەۇۋ 4 كۋرس ستۋدەنتى
