مىندەتتى الەۋمەتتىك مەديتسينالىق ساقتاندىرۋ اياسىندا 2022 جىلى 187 مەديتسينالىق ۇيىممەن (ونىڭ 80-ءى مەملەكەتتىك) جالپى سوماسى 213,2 ملرد تەڭگەگە شارت جاسالعانى بەلگىلى بولدى. ونىڭ ىشىندە: تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە 117,7 ملرد تەڭگە جانە ءمامس جۇيەسىندە – 95,4 ملرد تەڭگە. بيىل بارلىعى 12 مەديتسينالىق ۇيىم قوسىلدى.
تىلەۋحان ابىلداەۆ اتاپ وتكەندەي, ۇلتتىق ەكونوميكا مينيسترلىگىنىڭ دەرەكتەرىنە سىلتەمە جاساي وتىرىپ, الماتى قالاسىنىڭ 2 024 989 تۇرعىنىنىڭ ىشىندە ساقتاندىرىلعان حالىقتىڭ سانى (2022 جىلعى 1 اقپانداعى جاعداي بويىنشا) 81,1%-دى قۇرادى. ساقتاندىرىلماعانداردىڭ سانى 382 940 ادامدى نەمەسە 18,9%.
سپيكەر ساقتاندىرىلعان تۇرعىندارعا ءمامس الەۋەتىنىڭ ارقاسىندا بارلىق جوسپارلى, قىمبات كونسۋلتاتسيالىق-دياگنوستيكالىق قىزمەتتەردىڭ قولجەتىمدى ەكەنىن ەسكە سالدى.
ت. ابىلداەۆ 2021 جىلعى جۇمىس ناتيجەلەرى تۋرالى دا ايتا كەلە, وتكەن جىلى مەديتسينالىق ساقتاندىرۋ قورىنان ساقتاندىرىلعان الماتىلىقتاردىڭ مەديتسينالىق كومەگىن تولەۋگە شامامەن 93 ملرد تەڭگە جۇمسالعانىن جەتكىزدى.
«بارلىق جوسپارلى مەديتسينالىق كومەك ءمامس جۇيەسى ەسەبىنەن وتەلەدى. وتكەن جىلى شىعىنداردىڭ باسىم بولىگى ستاتسيونارلىق مەديتسينالىق كومەكتى تولەۋگە جۇمسالدى – 48,6 ملرد تەڭگەدەن استام, تاعى 3,9 ملرد تەڭگە كۇندىزگى ستاتسيونار قىزمەتتەرىن تولەۋگە باعىتتالدى», دەدى ت. ابىلداەۆ.
امسق الماتى فيليالىنىڭ ديرەكتورى 2021 جىلدىڭ قورىتىندىسى بويىنشا جۇرگىزىلگەن قىمبات تۇراتىن تالداۋلار, دياگنوستيكا جانە وپەراتسيالار سانى ايتارلىقتاي وسكەنىن, ءمامس ەنگىزىلگەنگە دەيىن حالىقتىڭ ولارعا قولجەتكىزە الماعانىن, ەندى مەديتسينالىق ساقتاندىرۋ ەسەبىنەن قولجەتىمدى ەكەنىن ايتتى.
ماسەلەن, وتكەن جىلى كونسۋلتاتسيالىق-دياگنوستيكالىق كومەك كورسەتكەنى ءۇشىن مەديتسينالىق ۇيىمدارعا 14,5 ملرد تەڭگە تولەندى. ولاردىڭ ىشىندە ەڭ كوپ سۇرانىسقا يە كت جانە مرت. جىل ىشىندە الماتى قالاسى بويىنشا 848,1 ملن تەڭگەگە كت-نىڭ 70 مىڭنان استام قىزمەتى, شامامەن 681,8 ملن تەڭگەگە مرت-نىڭ 50 مىڭنان استام قىزمەتى جانە 1,5 ملرد تەڭگەدەن استام سوماعا پوزيتروندى-ەميسسيالىق توموگرافيانىڭ 6 مىڭنان استام قىزمەتى كورسەتىلدى.
ءمامس جۇيەسىندە كورسەتىلگەن قىزمەتتەر اراسىندا وڭالتۋ جەكە ماڭىزعا يە. وڭالتۋ كومەگىنە 6,2 ملرد تەڭگە باعىتتالدى, ونىڭ ىشىندە پوستكوۆيدتى وڭالتۋعا 222,4 ملن تەڭگە.
