– 14 اقپاندا جۇمىسسىز ازاماتتار اراسىنان حالىقتىق باقىلاۋ توبى قۇرىلدى. بۇل توپ جۇمىسقا ورنالاستىرۋدى قاجەت ەتەتىن الەۋمەتتىك وسال توپتاردان شىققان ۇمىتكەرلەردى انىقتايدى. بۇگىندە حالىقتىڭ الەۋمەتتىك وسال توبىنا جاتاتىن 193 تۇرعىننىڭ ءتىزىمى جاسالدى, – دەپ جازىلعان ماڭعىستاۋ وبلىسى اكىمدىگىنىڭ حابارلاماسىندا.
جاقىن ۋاقىتتا تىزىمدەگى باسقا جۇمىسسىز ازاماتتاردىڭ الەۋمەتتىك جاعدايى زەردەلەنەدى. جالپى الداعى ۋاقىتتا جۇمىسپەن قامتۋ ورتالىعىندا «وزەنمۇنايگاز" اق سەرۆيستىك قىزمەت كورسەتۋ مەكەمەلەرىندە كەزەكتە تۇرعان 150 ادامدى جۇمىسقا قابىلداۋ كوزدەلىپ وتىر.
سونىمەن قاتار جاڭاوزەن قالالىق جۇمىسپەن قامتۋ ءبولىمىنىڭ «جۇمىس ىستەيمىن» باعدارلاماسى اياسىندا شاعىن جانە ورتا بيزنەستىڭ كۇش سالۋىمەن بيىل ناۋرىزدان باستاپ تاعى 50 جۇمىس ورنى قۇرىلادى.
وسى ماقساتتا وبلىستىق كوميسسيا مۇشەلەرى «Korkem alem», «وزەن قويما», «Asemade» جشس-دا بولىپ قايتتى. كوميسسيا ماڭعىستاۋ وبلىسى اكىمىنىڭ تاپسىرماسىنا سايكەس وسى جىلدىڭ 8 اقپانىندا قۇرىلدى.
