ابىروي بولعاندا ادام شىعىنى مەن جاراقات العاندار جوق.
– ينسپەكتورلار بارلاۋ كەزىندە كازتالوۆ اۋدانى جۇلدىز كەنتى اۋماعىندا «بوران» ماركالى قاردا جۇرگىش كولىگىنىڭ ىزىنە تۇسكەن. جەدەل قۋىپ جەتكەن قورىقشىلاردىڭ پارمەنىنە قۇلاق اسپاعان قاسكويلەر تويوتا ماركالى قىزمەتتىك كولىككە انىقتالماعان مىلتىقتان شامامەن 10 رەت وق اتقان. ءاۆتوموبيلدىڭ الدىڭعى دوڭگەلەكتەرى جارىلىپ, بامپەرى زاقىمدالعان. ينسپەكتورلاردىڭ تابەلدىك قارۋدان ەسكەرتۋ وق اتقاندارىنا قاراماستان, براكونەرلەر بقو, جاڭاقالا اۋدانى, نوۆوكازانكا اۋىلىنا قاراي ىزدەرىن سۋىتقان, – دەلىنگەن حابارلامادا.
وقيعا ورنىنا كازتالوۆ اۋداندىق پوليتسيا ءبولىمىنىڭ قىزمەتكەرلەرى شاقىرىلىپ, اتالعان فاكتى بويىنشا قىلمىستىق ءىس قوزعالدى.
