«تجم مەن ورتالىق اتقارۋشى ورگاندار كوكتەمگى سۋ تاسقىنى كەزىندە توتەنشە جاعدايدىڭ الدىن الۋ شارالارىن جۇزەگە اسىرىپ جاتىر. «قازگيدرومەت» مكك اقپانداعى الدىن الا مالىمەتى بويىنشا ەل بويىنشا سۋ قورى وتكەن جىلدارمەن سالىستىرعاندا ورتاشا دەڭگەيدەن جوعارى ەكەنىن ايتتى. اقمولا وبلىسىنداعى سىلەتى وزەنىنىڭ باسسەينى, قوستاناي وبلىسىنىڭ تورعاي, قاراتورعاي وزەنى, بقو-نىڭ وزەنى, شقو-نىڭ ءشۇلبى مەن بۇقتىرما باسسەيندەرى كىرىپ وتىر», دەدى رۋستامبەك امرين.
رۋستامبەك امرين سۋ تاسقىنىنا قاردىڭ جينالۋىنان بولەك جاۋىن-شاشىننىڭ جوعارى مولشەرى دە اسەر ەتەتىنىن ايتتى.
«وزەندەردىڭ قاتۋى دا وتكەن جىلعىدان جۇقا بولىپ وتىر. بۇل مۇزدىڭ ەرتە ەرۋىنە الىپ كەلۋى مۇمكىن. تەمپەراتۋرانىڭ جىلۋى مەن اقپان-ناۋرىزدا جاۋىن-شاشىن مولشەرى سۋ تاسقىنىنىڭ بولۋى قاۋپىن ارتتىرادى. سۋ تاسقىنى قاۋپى بار وڭىرلەرگە اقمولا, قاراعاندى, قوستاناي, سقو وبلىستارى جاتادى. ورتاشا قاۋپى بار وبلىستارعا تۇركىستان, جامبىل, پاۆلودار, بقو وبلىستارى جاتادى», دەدى ول.
