«بۇعان دەيىن «نوماد», «سارمات», «ينفينيتي» جانە ت.ب. تۇرعىن ءۇي كەشەندەرىنىڭ تۇرعىندارى سول جاعالاۋدا وقۋشىلار سارايىن, جاڭا مەكتەپ پەن سكۆەردى سالۋ ماسەلەلەرى بويىنشا ءوتىنىش بىلدىرگەن بولاتىن. ماسەلەن, تۇران داڭعىلى بويىنشا جەكە ينۆەستيتسيالاردى تارتۋ ەسەبىنەن وقۋشىلار سارايىنىڭ قۇرىلىسى باستالدى», دەپ جازدى قالا اكىمى.
قازىرگى ۋاقىتتا الاڭدى بولشەكتەۋ جانە تەگىستەۋ جۇمىستارى جۇرگىزىلۋدە. وقۋشىلار سارايىنىڭ جالپى اۋدانى شامامەن 5 مىڭ م2 قۇرايدى. كەشەندە باسسەين, روبوتوتەحنيكا جانە IT-باعدارلامالاۋ كابينەتتەرىن, حورەوگرافيا, سپورتتىق-بال بيلەرى, گيمناستيكا, شاحمات جانە ت.ب. زالدارى اشۋ جوسپارلانۋدا, ەكىنشى وقۋشىلار سارايى سول جاعالاۋدا قالالىقتاردىڭ ءوتىنىشى بويىنشا تاڭداپ الىندى, ويتكەنى ءبىرىنشى وقۋشىلار سارايى وڭ جاعالاۋدا ورنالاسقان.
«بىرنەشە تك تۇرعىندارى كوتەرگەن ەكىنشى ماسەلە-مەكتەپ قۇرىلىسى. قابانباي باتىر داڭعىلى مەن سىعاناق كوشەسىنىڭ قيىلىسى اۋدانىندا «پوكولەنيە» تك اۋدانىندا 2400 ورىندىق مەكتەپ سالامىز. سونىمەن قاتار, وقۋشى ورىندارىنىڭ تاپشىلىعىن قىسقارتۋ ماقساتىندا № 59 مەكتەپ اۋماعىندا (ساۋران كوشەسى, 5/1) 1200 ورىندىق تاعى ءبىر كورپۋس سالامىز. ناۋرىز ايىنىڭ سوڭىنا دەيىن جوبالىق-سمەتالىق قۇجاتتامانىڭ مەملەكەتتىك ساراپتامادان شىعۋىن كۇتىپ, ساۋىردە مەكتەپ قۇرىلىسىنا كونكۋرس جاريالايمىز. بيىلعى جىلى وقۋ ورنىنىڭ قۇرىلىسىنا قاراجات قاراستىرىلدى», دەپ جازدى التاي كولگىنوۆ.
