مەديتسينا • 15 اقپان، 2022

بالالار اۋرۋلارى كافەدراسىنا ەسىمى بەرىلدى

44 رەت كورسەتىلدى

الماتىداعى پەدياتريا جانە بالالار حيرۋرگياسى عىلىمي ورتالىعىندا كلينيكاعا قاراستى بالالار اۋرۋلارى كافەدراسىنا قازاقستاننىڭ ەڭبەك سىڭىرگەن دارىگەرى، ەلىمىزدىڭ كورنەكتى عالىمى، تۇڭعىش مەديتسينا عىلىمدارىنىڭ دوكتورى اتانعان قازاق ايەلى، قازاقستاننىڭ پەدياتريالىق مەكتەبىنىڭ نەگىزىن قالاۋشى پروفەسسور-پەدياتر ناعيما (نينا) احمەتقىزى بارلىباەۆانىڭ ەسىمى بەرىلدى.

اتالعان ءىس-شارا س.اسفەن­ديا­روۆ اتىنداعى قا­زاق ۇلت­تىق مەديتسينا ۋني­ۆەر­­سي­تە­تى­نىڭ مەديتسينا سالاسىنا زور ۇلەس قوسىپ، ەڭبەك سىڭىر­گەن دارىگەرلەر، پروفەسسورلار مەن وقى­تۋشىلاردىڭ ەسىم­دەرىن ماڭ­گىلىككە ەستە قال­دىرۋ ماق­سا­تىنداعى «تاعزىم» اكتسياسى اياسىندا اتقارىلدى. وسى ارادا پەدياتريا جانە بالالار حيرۋرگياسى عىلىمي ور­تا­لىعى س.اسفەندياروۆ اتىن­داعى قازۇمۋ-ءدىڭ كلي­ني­كالىق بازاسى ەكەنىن ەسكە سالا كەتۋ كەرەك. عىلىم، تاجىريبە جانە ءبىلىم تۇ­تاستىعى قاعي­دا­لارىن ۇستانا وتىرىپ، ورتا­لىق­تىڭ كوپتەگەن ماماندارى بولاشاق پەدياترلار دايارلاناتىن بالالار اۋرۋلارى كا­فەد­را­سى­نىڭ وقىتۋشىلارى مەن كلي­نيكالىق تالىمگەرلەرى بولىپ سانالادى.

ءىس-شاراعا قازۇمۋ رەكتورى، پروفەسسور ت.نۇرعوجين، ناعيما احمەت­قى­زىنىڭ شا­كىرت­­تەرى، ۇلى – س.اسفەن­ديا­روۆ اتىنداعى قازۇمۋ-ءدىڭ نەيروحيرۋرگيا كۋرسى بو­يىنشا جۇيكە اۋرۋلارى كا­فەد­راسىنىڭ پروفەسسورى، «قا­زاقستان رەسپۋبليكاسىنىڭ نەۆ­رولوگتەر قاۋىمداستىعى» قو­عام­دىق بىرلەستىگىنىڭ پرە­زي­دەنتى ەركىن نۇرعوجاەۆ، پە­دياتريا ورتالىعىنىڭ باس­­شى­لىعى مەن وكىلدەرى، سونى­مەن قاتار كافەدرا ۇجىمى مەن جاس دارىگەر-رەزيدەنتتەر قا­تىستى.

ناعيما احمەتقىزى 1924 جىلى سەمەي قالاسىندا دۇ­ني­ە­گە كەلگەن. قازاق مەدي­تسي­­نا ينستيتۋتىن (قازىر­گى قازاق مەملەكەتتىك مەديتسينا ۋنيۆەر­ستيەتى) (1945ج)، ونىڭ اسپيرانتۋراسىن (1951) بىتىرگەن. 1952-1965 جىلدا­رى قازاقستان دەنساۋلىق ساقتاۋ مينسترلىگىنىڭ پەدياتريا عى­ل­­ىمي-زەرتتەۋ ينستيتۋتىندا بالا اۋرۋلارىنان ساقتانۋ جانە ولاردى ەمدەۋ ءبولىمىنىڭ اعا عىلىمي قىزمەتكەرى، مەڭ­گە­رۋشىسى، ديرەكتوردىڭ ورىنباسارى، 1965-1992 جىلدارى قازاق مەملەكەتتىك مەديتسينا ينستيتۋتىنىڭ كافەدرا مەڭگەرۋشىسى، 1971-1991 جىلدارى فاكۋلتەتتىك، سودان كە­يىن گوسپيتالدىق پەديات­ريا كافەدراسىن باسقاردى، ءبىر مەزگىلدە 1968-1979 جىلدارى پە­دياتريا فاكۋلتەتىنىڭ دەكانى قىزمەتىن اتقاردى.

ول 1970 جىلى «پەديا­تريا» مامان­دىعى بويىنشا مەديتسينا عىلىم­دا­رىنىڭ دوك­تورى عىلىمي دارەجە­سى­نىڭ جانە كسرو معا پەدياتريا عزي دوكتورلىق ديسسەرتاتسياسىن قور­عا­عان­نان كەيىن پروفەسسور عىلىمي اتا­عىن العان العاشقى قازاق ايەلى. ۋچاسكەلىك دا­رىگەردەن پروفەسسورعا دەيىن 60 جىل­دىق ەڭبەك جولىن ەڭسەرىپ، قازاق­ستان­نىڭ پەدياتريالىق مەك­تە­بىنىڭ نەگىزىن قالادى، قازاق­ستاننىڭ جوعارى بىلىكتى ۇلت­تىق عىلىمي كادرلارىنىڭ ال­عاشقى وكىلى.

ونىڭ نەگىزگى عى­لىمي ەڭ­بەك­­تەرى كارديو­­لوگيا ماسە­­لە­­لەرىنە ارنالعان. ن.بار­­لى­­­باە­ۆا بالالاردا (سونىڭ ىشىن­دە جاڭا تۋعان سابي­لەردە) جۇ­رەك-تامىر، بۇي­­رەك، وكپە اۋرۋ­لارىنىڭ پا­تولو­گيا­سى، ميوكارديت، گي­پەرۆي­تامينوز، راحيت اۋرۋ­لا­­رىنىڭ بەلگى­لە­رىن انىقتاۋ، ەم­دەۋ جانە ودان ساقتانۋ ەرەك­­شە­لىك­تەرىن زەرت­تەدى.

عىلىمعا جانە دەنساۋلىق ساقتاۋ ىسىنە قوسقان زور ۇلەسى ءۇشىن قازاق كسر جو­عارعى كەڭە­سىنىڭ قۇرمەت گراموتاسىمەن، دەنساۋلىق ساقتاۋ جانە ءبىلىم مينيسترلىگىنىڭ قۇر­مەت گراموتالارىمەن، شە­تەلدەرمەن دوستىق جانە ما­دەني بايلانىستار جونىن­دەگى بۇكىلوداقتىق قوعا­مى­نىڭ قۇرمەت گراموتاسىمەن، «دەنساۋلىق ساقتاۋ ءىسىنىڭ ۇز­دى­گى»، «كسرو ونەر­تاپ­قى­شى»، «ەرەن ەڭبەگى ءۇشىن»، «لە­نيننىڭ 100 جىلدىعىنا وراي»، ء«ال-فارابي»، «ەڭبەك ارداگەرى»، «تىڭ يگەرۋگە – 50 جىل» مەدالدارىمەن مارا­پات­تالعان.

قازۇمۋ-ءدىڭ نەوناتولوگيا كۋرسى بويىنشا بالا­لار اۋرۋلارى كافەدراسىنا قا­زاق­ستاننىڭ كورنەكتى پەديا­ترىنىڭ ەسىمىن بەرۋ يدەيا­سىن ەلى­مىزدىڭ بۇكىل مەديتسينا قا­ۋىم­داس­تى­عى قولدادى. پە­ديات­ريا جانە بالالار حيرۋر­گياسى عىلىمي ورتالىعى اتاق­­تى پروفەسسوردىڭ ەسىمىن ماق­تا­نىش­پەن الىپ جۇرمەك. ونىڭ ءومىرى مەن قىزمەت جولى، قازاق مەديتسيناسىنا قوسقان سۇ­بەلى زور ۇلەسى جاس پەدياتر دا­­رى­گەرلەرگە ولشەۋسىز ۇلگى-ونەگە بولا بەرەدى.

 

الماتى

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار