ەربولات دوساەۆتىڭ جاڭا ورىنباسارى1976 جىلدىڭ 20 قازانىندا تسەلينوگراد قالاسىندا تۋعان. قازاق مەملەكەتتىك باسقارۋ اكادەمياسىنىڭ, قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىنىڭ تۇلەگى. ماماندىعى – حالىقارالىق ەكونوميست. مەملەكەتتىك قىزمەتتە, مادەنيەت جانە جاستار ساياساتى سالاسىندا 25 جىلدان استام ەڭبەك ەتەن.
ارمان قىرىقباەۆ ەڭبەك جولىن 1996 جىلى قازاقستان رەسپۋبليكاسى سىرتقى ىستەر مينيسترلىگىنىڭ رەفەرەنتى, اتتاشەسى رەتىندە باستاعان. 1997-1999 جىلدارى-قازاقستان رەسپۋبليكاسىنىڭ وزبەكستانداعى ەلشىلىگىنىڭ اتتاشەسى, 1999-2000 جىلدارى-قازاقستان رەسپۋبليكاسى سىرتقى ىستەر مينيسترلىگىنىڭ ءۇشىنشى حاتشىسى, كەيىن قازاقستان رەسپۋبليكاسى سىرتقى ىستەر مينيسترلىگى تمد ىستەرى كوميتەتىنىڭ ەكىنشى حاتشىسى بولعان. 2002-2004 جىلدارى – «ABE كورپوراتسياسى» جاق ستراتەگيا جانە ماركەتينگ دەپارتامەنتىنىڭ ديرەكتورى, 2004-2005 جىلدارى – «ك-مارت» جشس باس ديرەكتورى. 2005 جىلى مەدەۋ اۋدانى اكىمىنىڭ ورىنباسارى, 2005 جىلدان 2006 جىلعا دەيىن الماتى قالاسى جاستار ساياساتىن دامىتۋ مەملەكەتتىك قورىنىڭ ديرەكتورى, 2006 جىلدىڭ ساۋىرىنەن 2008 جىلدىڭ اقپانىنا دەيىن قازاقستان رەسپۋبليكاسى مادەنيەت جانە اقپارات مينيسترلىگى قوعامدىق-ساياسي جۇمىس جانە جۇرتشىلىقپەن بايلانىس دەپارتامەنتىنىڭ ديرەكتورى بولىپ ەڭبەك ەتكەن. 2010 جىلدىڭ قاڭتارىنان 2012 جىلدىڭ اقپانىنا دەيىن قازاقستان رەسپۋبليكاسى مادەنيەت جانە اقپارات مينيسترلىگى مادەنيەت كوميتەتىنىڭ توراعاسى, قاراعاندى وبلىسى اكىمىنىڭ ورىنباسارى قىزمەتتەرىن اتقارعان.
ول 2012-2014 جىلدارى قازاقستان رەسپۋبليكاسىنىڭ مادەنيەت جانە اقپارات ۆيتسە-ءمينيسترى بولىپ جۇمىس ىستەدى. 2014-2015 جىلدارى Nur Otan پارتياسى توراعاسى ءبىرىنشى ورىنباسارىنىڭ كەڭەسشىسى بولعان. 2015 جىلدىڭ قازانىنان 2019 جىلدىڭ شىلدەسىنە دەيىن الماتى قالاسى اكىمدىگىنىڭ ىشكى ساياسات, دەنساۋلىق ساقتاۋ, ءبىلىم بەرۋ, مادەنيەت, جاستار ساياساتى, تىلدەردى دامىتۋ جانە باسقا دا ماسەلەلەر جونىندەگى ورىنباسارى قىزمەتىن اتقاردى. كەيىنگى ۋاقىتتا Nur Otan پارتياسىنىڭ حاتشىسى بولىپ ەڭبەك ەتتى.
