ەكونوميكا • 11 اقپان، 2022

ازاماتتىڭ جالعىز باسپاناسى كەپىلگە الىنبايدى

2022 جىلدىڭ 1 ناۋرىزىنان باستاپ سالىقتاردى تولەۋ مەرزىمىن كەيىنگە قالدىرعاندا نەمەسە ءبولىپ تولەۋگە مۇمكىندىك بەرىلگەندە جەكە تۇلعانىڭ جالعىز باسپاناسى كەپىلگە الىنبايدى. بۇل تۋرالى قر قم مەملەكەتتىك كىرىستەر كوميتەتى مالىمدەدى، دەپ جازادى Egemen.kz.

دانا مىرزاقادىر

سالىق زاڭناماسىنا سايكەس سالىقتاردى تولەۋ مەرزىمىن كەيىنگە قالدىرعاندا نەمەسە ءبولىپ تولەۋگە مۇمكىندىك الۋ ءۇشىن ءوتىنىم بەرگەندە سالىق تولەۋشى كەپىلگە م ۇلىكتى قويۋى كەرەك ء(بولىپ تولەۋگە بەرىلگەن مەرزىمگە بايلانىستى: جىلجىمايتىن م ۇلىك، اۆتوكولىك، قۇرىلعالار جانە ت.ب.).

«سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» (سالىق كودەكسى) قازاقستان رەسپۋبليكاسى كودەكسىنىڭ 52-بابىنىڭ 2) تارماقشاسى ەرەجەلەرمەن تولىقتىرىلىپ، ەندى جەكە تۇلعانىڭ، دارا كاسىپكەردىڭ، جەكە پراكتيكامەن اينالىساتىن ادامنىڭ جالعىز تۇرعىن ءۇيى كەپىل نىساناسى بولا المايدى. اتالعان وزگەرتۋلەر 2022 جىلدىڭ 1 ناۋرىزىنان باستاپ قولدانىسقا ەنەدى.

وسى تۇزەتۋلەردى ىسكە اسىرۋ ماقساتىندا قازاقستان رەسپۋبليكاسى قارجى مينيسترلىگىمەن «قازاقستان رەسپۋبليكاسىنىڭ مەملەكەتتىك كىرىستەر ورگاندارىنىڭ مەملەكەتتىك قىزمەتتەر كورسەتۋ قاعيدالارىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ مىندەتىن اتقارۋشىسىنىڭ 2020 جىلعى 10 شىلدەدەگى № 665 بۇيرىعىنا وزگەرتۋ ەنگىزۋ تۋرالى» قازاقستان رەسپۋبليكاسى قارجى ءمينيسترىنىڭ بۇيرىق جوباسى ازىرلەندى.

بۇل جوبا http://legalacts.egov.kz اشىق نورماتيۆتىك-قۇقىقتىق اكتىلەردىڭ ينتەرنەت-پورتالىنا 2022 جىلدىڭ 7 اقپانىندا ورنالاستىرىلعان.

جوبانى جاريا تالقىلاۋدى وتكىزۋ مەرزىمى – 2022 جىلدىڭ 21 اقپانىنا دەيىن.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز