بانكتەردىڭ بەرگەن نەسيەسى قاڭتار ايىنىڭ قورىتىندىسى بويىنشا سوڭعى ءبىر ايدا 3,7%, ال بىلتىرعى قاڭتاردان بەرگى ءبىر جىلدا 26,5% كوبەيىپ, 18 497,7 ملرد تەڭگەنى قۇرادى.
«سونىڭ ىشىندە زاڭدى تۇلعالارعا كرەديتتەر كولەمى ءبىر ايدا 7 758,8 ملرد تەڭگەگە دەيىن 3,5%-عا, جەكە تۇلعالارعا 10 738,8 ملرد تەڭگەگە دەيىن 3,8%-عا ۇلعايدى», دەپ حابارلايدى ۇلتتىق بانك.
ۇلتتىق ۆاليۋتاداعى كرەديتتەر كولەمى ءبىر ايدا 16 588,2 ملرد تەڭگەگە دەيىن 3,8%-عا ۇلعايدى. ولاردىڭ قۇرىلىمىندا زاڭدى تۇلعالارعا كرەديتتەر 3,8%-عا, جەكە تۇلعالارعا كرەديتتەر 3,9%-عا ءوستى. شەتەل ۆاليۋتاسىنداعى كرەديتتەر كولەمى 1 909,5 ملرد تەڭگەگە دەيىن 2,6%-عا ۇلعايدى. ولاردىڭ قۇرىلىمىندا زاڭدى تۇلعالارعا كرەديتتەر 2,6%-عا ءوستى, جەكە تۇلعالارعا كرەديتتەر – 0,9%-عا تومەندەدى. 2021 جىلعى جەلتوقساننىڭ سوڭىندا تەڭگەمەن كرەديتتەردىڭ ۇلەس سالماعى 89,7% بولدى.
ۇزاق مەرزىمدى كرەديتتەر كولەمى ءبىر ايدا 16 030,5 ملرد تەڭگەگە دەيىن 3,9%-عا, قىسقا مەرزىمدى كرەديتتەر كولەمى – 2 467,2 ملرد تەڭگەگە دەيىن 2,7%-عا ۇلعايدى.
2021 جىلعى جەلتوقساندا بانكتىك ەمەس زاڭدى تۇلعالارعا ۇلتتىق ۆاليۋتامەن بەرىلگەن كرەديتتەر بويىنشا ورتاشا الىنعان سىياقى مولشەرلەمەسى 12,2% قۇرادى.
