اتالعان زاڭ جوباسى قر پرەزيدەنتىنىڭ بيىلعى جولداۋىنداعى تاپسىرمالاردى جۇزەگە اسىرۋ ماقساتىندا دايىندالعان.
ەكولوگيا, گەولوگيا جانە تابيعي رەسۋرستار مينيسترلىگىنىڭ ۆيتسە-ءمينيسترى ءاليا شالابەكوۆا زاڭدى تانىستىرۋ بارىسىندا قانداي ايىپپۇلداردىڭ كولەمى ۇلعاياتىنىن ايتتى.
مينيسترلىك زاڭسىز اعاش كەسۋدىڭ تۇراقتى ديناميكاسىن ەسكەرە وتىرىپ, ەلەۋلى زالال كورسەتكىشىن 100-دەن 50 اەك-كە دەيىن; ءىرى زالالدى 1000-نان 500 اەك-كە دەيىن تومەندەتۋدى ۇسىندى. بۇل رەتتە اسا ءىرى زالال كورسەتكىشى وزگەرىسسىز قالادى جانە 2000 اەك قۇرايدى.
«سونداي-اق, 324, 325, 326, 328, 329, 330 جانە 333-باپتارداعى «قورشاعان ورتاعا كەلتىرىلگەن زالال» ۇعىمىنىڭ قىلمىستىق زاڭنامادا قۇقىقتىق انىقتاماسى بولماعاندىقتان, «زالال» دەگەن ۇعىممەن اۋىستىرىلدى. قوعامدىق قاۋىپتى زارداپتاردى انىقتاۋعا قاتىستى ۇعىمدار قىلمىستىق كودەكستە ء«ىرى زالال جانە iرi مولشەردە» جانە «ەرەكشە iرi زالال جانە اسا iرi مولشەردە» دەپ بەكىتىلگەن (قك 3-بابى)», دەدى ۆيتسە-مينيستر.
سونداي-اق, قورشاعان ورتاعا زيان كەلتىرگەنى ءۇشىن جاۋاپكەرشىلىكتى كۇشەيتۋ ماقساتىندا كەلەسى وزگەرىستەر ەنگىزىلدى:
ەرەكشە قورعالاتىن تابيعي اۋماقتا اسا iرi زيان كەلتiرگەنi ءۇشiن جازانىڭ نەعۇرلىم قاتاڭ ءتۇرiن كوزدەيتiن 332-باپ «جەردi جويۋ» جاڭا 3-بولiممەن تولىقتىرىلدى.
«جەر قويناۋىن ءوز بەتىنشە پايدالانۋ» 334-بابىندا جازانىڭ بۇلتارتپاستىعىن قامتاماسىز ەتۋ جانە جەر قويناۋىن زاڭسىز وندىرۋگە جول بەرمەۋ ماقساتىندا 334-باپتىڭ 1-بولىگى قىلمىستىق تەرىس قىلىق ساناتىنان قىلمىسقا اۋىستىرىلدى, ديسپوزيتسيادا قىلمىستىق قۇقىق بۇزۋشىلىق جاساۋ كەلتىرىلگەن زيان مولشەرىنىڭ شەكتى مولشەرى تومەندەتىلدى, ياعني ءىرى مولشەردەن ەلەۋلى زالالعا دەيىن تومەندەتىلىپ, 3 جىلعا دەيىن باس بوستاندىعىنان ايىرۋ تۇرىندەگى جازانى ەنگىزۋ ارقىلى سانكتسيا كۇشەيتىلدى. وسى باپتىڭ 2-بولىگىنىڭ سانكتسياسى دا 3 جىلدان 4 جىلعا باس بوستاندىعىنان ايىرۋ تۇرىندەگى جازانى قاتاڭداتۋ ارقىلى وزگەرتىلدى. 3-بولىگىندە ەرەكشە قورعالاتىن تابيعي اۋماقتا اسا ءىرى زالال كەلتىرگەنى ءۇشىن جازانىڭ نەعۇرلىم قاتاڭ ءتۇرىن قاراستىرۋ ۇسىنىلادى.
اعاشتاردى زاڭسىز كەسكەن جاعدايدا كىنالىلەرگە قوعامدىق جۇمىستارعا تارتۋ نەمەسە از ايىپپۇلدار تاعايىندالعان. جاسالعان ارەكەت ءۇشىن تاعايىندالعان جازا كەلتىرىلگەن زيانعا پروپورتسيونالدى ەمەس بولاتىن. وسىعان وراي, «اعاشتار مەن بۇتالاردى زاڭسىز كەسۋ, جويۋ نەمەسە زاقىمداۋ» 340-باپتا بۇل بۇزۋشىلىقتى تەرىس قىلىق ساناتىنان قىلمىس ساناتىنا اۋىستىرۋ بولىگىندە وزگەرتۋلەر ەنگىزىلدى.
«ەرەكشە قورعالاتىن تابيعي اۋماقتار رەجيمىن بۇزۋ» 342-باپتىڭ 1-بولىگىندە ايىپپۇل 120 اەك-دەن 200 اەك-گە دەيىن كۇشەيتىلدى, قوعامدىق جۇمىستار ساعاتى 120 دان 200 ساعاتقا دەيىن كوبەيدى.
قىلمىستىق-پروتسەستىك كودەكسىنە كەلەسى وزگەرىستەر مەن تولىقتىرۋلار ەنگىزۋ كوزدەلەدى:
«تەرگەۋلىك» 187-بابىنا وزگەرىستەر ەنگىزىلدى, تەرگەۋ ورگاندارى 334-باپتىڭ ءۇشىنشى بولىگىندە كوزدەلگەن ىستەردى جانە 342-باپتىڭ ءتورتىنشى بولىگىمەن كوزدەلگەن اۋىر قىلمىستار ساناتىنا جاتاتىن اسا iرi زالال كەلتiرۋ بويىنشا ىستەردى تەرگەۋ ورگاندارى قارايدى.
191-باپقا «انىقتاۋ نىسانىندا جانە حاتتامالىق نىساندا جۇرگىزىلەتىن سوتقا دەيىنگى تەرگەپ-تەكسەرۋ» وزگەرىستەر ەنگىزىلدى. 334-باپتىڭ ءبىرىنشى بولىگى اۋىر ەمەس قىلمىستار ساناتىنان اۋىرلىعى ورتاشا قىلمىستارعا اۋىستىرىلىپ, iرi زياننان ەلەۋلi زالالعا, ال ەكiنشi بولiگiندە اسا iرi زياننان iرi زيانعا اۋىستىرىلۋىنا بايلانىستى سوتقا دەيىنگى ءىس-جۇرگىزۋ تەرگەۋ نىسانىندا جۇرگىزىلەتىن بولادى.
ءىرى زالال كەلتىرۋدى كوزدەيتىن, 342-باپ ءۇشىنشى بولىكپەن تولىقتىرىلۋىنا بايلانىستى, بۇل بولىك تەرگەۋ نىسانىندا قارالادى. قىلمىستىق قۇقىق بۇزۋشىلىقتان ورتاشا اۋىرلىقتاعى قىلمىسقا اۋىسۋىنا بايلانىستى 340-باپتىڭ ەكىنشى جانە ءۇشىنشى بولىكتەرى حاتتامالىق نىساننان تەرگەۋ نىسانىنا اۋىستىرىلدى.
