قوس تاراپ قازاقستاندا Ozon كومپانياسىنىڭ دامۋىن, سونداي-اق ءوزارا ءىس-قيمىلدىڭ وزەكتى ماسەلەلەرى - سالىق سالۋ, ەلەكتروندىق قۇجات اينالىمىن تالقىلادى.
«قازاقستاندا, بۇكىل الەمدەگى سەكىلدى, قازىرگى تاڭدا ەلەكتروندىق كوممەرتسيا مەن ماركەتپلەيستەر, ونىڭ ىشىندە حالىقارالىق الاڭدار بەلسەندى تۇردە دامىپ جاتىر. قازاقستاندىق وندىرۋشىلەر ءۇشىن بۇل ەل ىشىندە دە, حالىقارالىق نارىقتاردا دا ساۋدا كولەمى مەن وتكىزۋ گەوگرافياسىن ۇلعايتۋدىڭ تاماشا مۇمكىندىگى», دەدى باقىت سۇلتانوۆ.
قازاقستانداعى Ozon كومپانياسىنىڭ قىزمەتى ەكى نەگىزگى باعىتتا داميتىن بولادى: لوگيستيكالىق ينفراقۇرىلىم قۇرۋ جانە قازاقستاندىق كاسىپكەرلەردى ماركەتپلەيس پلاتفورماسىنا شىعارۋ. 2021 جىلعى جەلتوقساندا «QazTrade» اق مەن Ozon اراسىندا ىنتىماقتاستىق تۋرالى مەموراندۋمعا قول قويىلدى. Ozon باسقارۋشى ديرەكتورى سەرگەي بەلياكوۆ كومپانيا ءوزىنىڭ لوگيستيكالىق قۇرىلىمىن رەسپۋبليكادا دامىتۋدى جوسپارلاپ وتىرعانىن مالىمدەدى.
ء«ىرى لوگيستيكالىق نىساننىڭ اشىلۋى وڭىردەن ساتۋشىلار سانىن ورتا ەسەپپەن 50%-عا ارتتىرۋعا مۇمكىندىك بەرەدى – ولار تاۋاردى ساتۋ الاڭىنا تەزىرەك ءارى ارزان باعادا جەتكىزە الادى, سونداي-اق ءتىپتى ەلدىڭ ەڭ شالعاي اۋداندارىنداعى ساتىپ الۋشىلار دا ءوز تاپسىرىستارىن تەزىرەك الا الادى», دەدى س. بەلياكوۆ.
