بىراق جاقىندارى وسپانبەك السەيىتوۆكە تاعىلعان ايىپ نەگىزسىز دەيدى. السەيىتوۆتىڭ ۇلى تەرگەۋشىلەردىڭ قولىندا اكەسىنىڭ كىنالى ەكەنىن دالەلدەيتىن ايعاق جوق ەكەنىن, وعان قارسى قىلمىستىق ءىس ويدان شىعارىلعانىن مالىمدەدى. بۇل قىزمەتكە 2017 جىلدىڭ 22 جەلتوقسانىندا تاعايىندالعانىنا قاراماستان, ونى 2018 جىلدىڭ 3 قاڭتارىندا قوسپالاردى جەتكىزۋ كەلىسىمشارتىنا قول قويعان دەپ ايىپتاپ وتىر. ۇلىنىڭ ايتۋىنشا, بۇل قۇجاتتار وسپانبەك السەيىتوۆ «قازمۇنايگازدا» جۇمىس ىستەگەن كەزدە قابىلدانعان.
– 7 اقپاندا اكەمدى اقشا جىمقىردى دەگەن كۇدىكپەن ۇستاپ, ال كەشە 8-ءى كۇنى ايعاقسىز ەكى ايعا قاماۋعا الدى. ءبىز مۇنداي زاڭسىزدىقتى بۇرىن-سوڭدى كورگەن ەمەسپىز. ءبىز تاعىلعان ايىپتىڭ بارلىق دالەلدەرىن كەلتىردىك. بىراق ەكونوميكالىق تەرگەۋ باسقارماسىنىڭ تەرگەۋشىسى اسىلحان اسان ولاردى ەلەمەيدى. مەنىڭ اكەم ادال جانە ول تاعىلعان ايىپتاردى ەشقاشان ىستەگەن ەمەس. سىزدەردەن بارلىق قاجەت شارالاردى تەز ارادا قابىلداپ, اكەمنىڭ ابىرويىن قالپىنا كەلتىرۋىڭىزدى سۇرايمىن, – دەدى ديرەكتوردىڭ ۇلى سۇلتان وسپانبەك.
