كەزدەسۋ بارىسىندا سىرداريا وزەنىنىڭ ورتا جانە تومەنگى اعىسىنداعى سۋ شارۋاشىلىعى جاعدايىن جاقسارتۋ بويىنشا بىرلەسكەن شارالار تالقىلاندى.
سونىمەن قاتار, كەزدەسۋ بارىسىندا قازاقستان ۇكىمەتى مەن وزبەكستان ۇكىمەتى اراسىنداعى ترانسشەكارالىق سۋ وبەكتىلەرىن بىرلەسىپ باسقارۋ جانە پايدالانۋ تۋرالى كەلىسىمگە قول قويۋ ماسەلەلەرى تالقىلاندى.
تاراپتار كەلىسىم جوباسىن كەلىسۋ بويىنشا راسىمدەردى جەدەلدەتۋ نيەتىن راستادى. سونداي-اق, ەكى ەلدىڭ پرەمەر-مينيسترلەرى دەڭگەيىندە سۋ قاتىناستارى سالاسىنداعى ىنتىماقتاستىق جونىندەگى ەكى جاقتى كوميسسيا قۇرۋ ماسەلەلەرى قارالدى.
قوس ەلدىڭ ەكولوگيا مينسيترلەرى ورتالىق ازيا سۋ-ەنەرگەتيكالىق كونسورتسيۋمىن قۇرۋ جانە گەس قۇرىلىسىنا قاتىسۋ ماسەلەلەرى بويىنشا كونسۋلتاتسيالار وتكىزدى.
تالقىلاۋ قورىتىندىسى بويىنشا شاردارا سۋ قويماسىنا سۋ اعىنىن ۇلعايتۋ جانە مەملەكەتارالىق «دوستىق» كانالى ارقىلى سۋدى تۇراقتى بەرۋ بويىنشا بىرلەسكەن شارالار قابىلداۋ تۋرالى ۋاعدالاستىقتارعا قول جەتكىزىلدى.
