باعدارلاما بويىنشا تۇراقتى جۇمىسقا ورنالاسقانداردىڭ ءبىرى - تاعاەۆا نازەركە نۇرلانقىزى. ول 2019 جىلى م.اۋەزوۆ اتىنداعى وقمۋ –دا «قۇقىقتانۋ» ماماندىعى بويىنشا ءبىلىم العان. وقۋ بىتىرگەن سوڭ, قالالىق حالىقتى جۇمىسپەن قامتۋ ورتالىعىندا جۇمىسسىز رەتىندە تىركەلىپ, ءوز ماماندىعى بويىنشا قر مەملەكەتتىك قىزمەت ىستەرى اگەنتتىگىنىڭ شىمكەنت قالاسى بويىنشا دەپارتامەنتىنە 6 اي مەرزىمى بويىنشا جاستار تاجىريبەسىنە جولداندى. ءوزىن ءبىلىمدى جاس مامان رەتىندە كورسەتىپ, كەيىننەن دەپارتامەنت تاراپىنان قر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ شىمكەنت قالاسى بويىنشا دەپارتامەنتىنە تۇراقتى جۇمىسقا ورنالاستى.
«قازىر مەملەكەتتىك باعدارلامانىڭ تيىمدىلىگىن سەزىنىپ, راسىندا دا جاستارعا ۋاقىتشا جۇمىستان تۇراقتى جۇمىسقا ورنالاسۋعا مۇمكىندىك بار ەكەندىگىن ايتا الامىن. بۇگىندە مەن شىمكەنت قالاسىنىڭ ستاتيستيكا دەپارتامەنتىندە زاڭ بولىمىندە جەتەكشى مامان رەتىندە قىزمەت اتقارامىن», دەدى نازەركە نۇرلانقىزى.
اتالعان دەپارتامەنتتە ءدال وسى مەملەكەتتىك باعدارلامانىڭ ارقاسىندا تۇراقتى جۇمىسقا ورنالاسقان جاستاردىڭ ءبىرى – ەرجان بەكسۇلتان.
م.ساپارباەۆ اتىنداعى وقگي-دە «ەكونوميست» ماماندىعى بويىنشا ءبىلىم العان قالا تۇرعىنى 2019 جىلى ستاتيستيكا دەپارتامەنتىندە جاستار پراكتيكاسىنان ءوتىپ, كەيىننەن مەرزىمدىك تاجىريبەدەن سوڭ سول مەكەمەدە تۇراقتى جۇمىسقا ورنالاستى. بۇگىندە ول پەرسونالدى باسقارۋ بولىمىندە باس مامان رەتىندە قىزمەت اتقارادى.
جاستار اراسىنداعى جۇمىسسىزدىق دەڭگەيىن تومەندەتۋ ماقساتىندا قر پرەزيدەنتىنىڭ تاپسىرماسىنا سايكەس بيىل «جاستار پراكتيكاسى» باعدارلاماسىنىڭ مەرزىمىن 12 ايعا, ال جالاقىسىن 30 اەك-دەيىن كوتەرۋ جوسپارلانعان.
ايتا كەتەيىك,«جاستار پراكتيكاسى» ۋاقىتشا جۇمىس ورنى بولىپ ەسەپتەلىنەدى. اتالعان باعدارلاماعا 29 جاستان اسپاعان «جۇمىسسىز» مارتەبەسى بار جانە سوڭعى ءۇش جىل ىشىندە (2020,2021,2022ج) جوعارعى وقۋ ورىندارى مەن كوللەدجدەردىڭ تەحنيكالىق جانە كاسىبي ءبىلىم تۇلەكتەرى قاتىسا الادى. جالاقىسى 25 اەك, ياعني 76 575 تەڭگەنى قۇرايدى.
