قىزدى اقمولا وبلىسى پد ەسىرتكى قىلمىسىنا قارسى ءىس-قيمىل جونىندەگى قىزمەتكەرلەرى ۇستادى. تەكسەرۋ كەزىندە بويجەتكەننەن گەرويننىڭ سينتەتيكالىق وپياتى بولىپ تابىلاتىن بىرقاتار ءدارى-دارمەكتەردىڭ 55 تابلەتكاسى مەن ەسىرتكى اسەرىن كۇشەيتۋ ءۇشىن قولدانىلاتىن زات بار 12 بوتەلكە تاركىلەندى.
«ۇستالعان ازاماتشا جەدەل ۋاكىلدەرگە «ميكس», «ليرا» جانە ت.ب. بىرنەشە بەتبەلگى قويىپ ۇلگەرگەن ورىندارىن كورسەتتى, ناتيجەسىندە قىزدان «ترامادولدىڭ» 5 قورابى, «تروپيكاميدتىڭ» 14 قۇتىسى, «ليريكانىڭ» 5 تابلەتكاسى جانە «سومنولدىڭ» 5 تابلەتكاسى تاركىلەندى», دەپ ءتۇسىندىردى قر ءىىم ءباسپاسوز قىزمەتى.
ءتيىستى ساراپتاما تاعايىندالدى. اتالعان فاكتى بويىنشا قر قك 296-بابى 2-بولىگى «ەسىرتكى زاتتارىن زاڭسىز ساقتاۋ» بويىنشا سوتقا دەيىنگى ءىس جۇرگىزۋ باستالدى.
«كۇدىكتىدەن ۇيالى تەلەفون تاركىلەندى, ول ارقىلى ول اتالعان ءدارى-دارمەكتەردى ساتۋمەن اينالىسقان. مەديتسينالىق كۋالاندىرۋعا سايكەس قىزدىڭ ءوزى دە سول اپيىنداردى قولدانعانى راستالدى», دەدى وبلىستىق ءسوپ مقب باستىعى پوليتسيا پولكوۆنيگى مەيرام جاپباسوۆ.
