كەزدەسۋگە مۇددەلى مەملەكەتتىك ورگانداردىڭ وكىلدەرى جانە احقو باسقارۋشىسى ق. كەلىمبەتوۆ قاتىستى. بريتاندىق جانە رەسەيلىك شەتەلدىك تەحنيكالىق جوعارى وقۋ ورىندارىنىڭ ەكى فيليالىن اشۋ مۇمكىندىگى قاراستىرىلدى, ولاردىڭ ءبىرى احقو الاڭىندا اشىلادى.
فيليالداردا وقىتۋ كادرلار دايارلاۋدىڭ باسىم باعىتتارى بويىنشا, سونداي-اق ەل ەكونوميكاسىنىڭ قاجەتتىلىگىن ەسكەرە وتىرىپ جۇزەگە اسىرىلادى. قر پرەمەر-ءمينيسترىنىڭ ورىنباسارى ە. توعجانوۆ قازاقستاندىق تاراپتىڭ بەدەلدى شەتەلدىك ۋنيۆەرسيتەتتەردىڭ فيليالدارىن اشۋعا قاجەتتى كومەك كورسەتۋگە دايىن ەكەنىن اتاپ ءوتتى.
ۆيتسە-پرەمەر ءبىلىم جانە عىلىم مينيسترلىگىنە شەتەلدىك ۋنيۆەرسيتەتتەردىڭ ۇسىنىستارىن ەگجەي-تەگجەيلى زەردەلەي وتىرىپ, الەۋەتتى ينۆەستورلارمەن كەلىسسوزدەردى جەدەلدەتۋ جونىندە ناقتى تاپسىرمالار بەردى.
سونداي-اق اۆستريا مەن تۇركيا رەسپۋبليكاسىنىڭ ينۆەستيتسيالىق كومپانيالارىنىڭ وكىلدەرىمەن دەنساۋلىق ساقتاۋ سالاسىنداعى ينۆەستيتسيالىق جوبالاردى ىسكە اسىرۋ ماسەلەلەرى بويىنشا كەزدەسۋ وتكىزىلدى. كەلىسسوزدەر بارىسىندا كوپبەيىندى اۋرۋحانا اشۋ, سونداي-اق قازاقستاننىڭ دەنساۋلىق ساقتاۋ سالاسىندا يننوۆاتسيالىق شەشىمدەردى قولدانۋ مۇمكىندىكتەرى قارالدى.
كومپانيالاردىڭ ۇسىنىستارىن دەنساۋلىق ساقتاۋ مينيسترلىگى مۇددەلى مەملەكەتتىك ورگاندارمەن بىرلەسىپ قارايدى.
