بۇگىن وپەك+ كەلىسىمىنە قاتىسۋشى ەلدەردىڭ مينيسترلەر ءماجىلىسى بەينەكونفەرەنتسيا فورماتىندا ءوتتى.
«وتىرىس قورىتىندىسى بويىنشا شەكتەۋلەردى تولىق الىپ تاستاعانعا دەيىن وپەك+ ەلدەرىنىڭ قازىرگى مۇناي ءوندىرۋ دەڭگەيىن اي سايىن تاۋلىگىنە 400 مىڭ باررەلگە ارتتىرۋدى جالعاستىرۋ تۋرالى شەشىم قابىلداندى», دەپ جازىلعان مينيسترلىكتىڭ مالىمەتىندە.
مۇنىڭ ىشىندە قازاقستانعا بەلگىلەنگەن كۆوتا دا ارتىپ وتىر.
«قاڭتار جانە اقپان ايلارىندا وپەك+ شەڭبەرىندە قازاقستان ءۇشىن كۆوتا سايكەسىنشە تاۋلىگىنە 1,572 جانە 1,589 ملن باررەلدى قۇرايدى. 2022 جىلعى ناۋرىزداعى مىندەتتەمەلەر تاۋلىگىنە 1,605 ملن باررەلدى قۇرايدى», دەلىنگەن مينيسترلىك تاراتقان حابارلامادا.
