باعا نەگە ءوستى دەگەن ساۋالعا ءسال كەيىنىرەك جاۋاپ بەرەمىز, ازىرگە مىنا ءبىر قىزىق دەرەكتەرگە نازار اۋدارايىق. ەڭ قىمبات ۇيلەر گونكونگ, سينگاپۋر جانە ءباا-دە ەكەن. ال ەڭ ارزانى – نەپالدا. تمد ەلدەرىنىڭ ىشىنەن قازاقستاننان دا ارزان ارەندالىق باسپانانى 266,3 دوللارعا ازەربايجاننان تابۋعا بولادى. رەسەيدە ايلىق جالداۋ باعاسى – 412,5, ارمەنيادا – 396,74, ۋكراينادا – 366,11, وزبەكستاندا – 322,27, بەلارۋستا – 306,17 دوللار.
2021 جىلدىڭ جەلتوقسان ايىندا قازاقستاندا جايلى جابدىقتالعان تۇرعىن ءۇيدىڭ ارەندالىق تولەمى بىردەن 17,5 پايىزعا قىمباتتاپ,
1 شارشى مەترى 1,9 مىڭ تەڭگەگە جەتكەن. ءىرى قالالار اراسىندا قاتتى قىمباتتاۋ الماتىدا بايقالادى – بىردەن 40,6 پايىزعا وسكەن. انتيليدەرلەر قاتارىنان ورالدى (+32,5 پايىز) جانە شىمكەنتتى (+31,3 پايىز) كورەمىز. ەڭ تومەنگى جىلدىق ءوسىم تارازدا (+5,5 پايىز) بايقالادى.
«تۇرعىن ءۇي ارەنداسىنىڭ ەڭ جوعارعى باعاسى ەلوردادا بايقالادى: شارشى مەترى – 3,7 مىڭ تەڭگە. «قىمبات» قالالار ىشىندە الماتى (3,3 مىڭ تەڭگە), اقتاۋ (2,4 مىڭ تەڭگە) قالالارى بار.
«ارەندالىق باعانىڭ ءوسىمى كوپتەگەن فاكتورلارمەن, سونىڭ ىشىندە جىلجىمايتىن م ۇلىك نارىعىنداعى ساتۋ قۇنىنىڭ وسۋىمەن بايلانىستى. ارەندا سەگمەنتى مەن تۇرعىن ءۇي ساتىلىمى تىعىز بايلانىستى. ءۇي ساتىپ الۋعا دەگەن جوعارعى سۇرانىس جانە 2021 جىلعى باعا قىمباتشىلىعى ارەندا سەگمەنتىندەگى ۇسىنىستى «شايىپ» جىبەردى. پاتەر باعاسىنىڭ ءوسىپ جاتقانىن پايدالانىپ كوپتەگەن ارەندالىق باسپانا يەلەرى پايدا تابۋ ءۇشىن ۇيلەرىن ساتىلىمعا شىعاردى. ال ساتقىسى كەلمەگەندەر ارەندا باعاسىن كوتەردى. ءسويتىپ, تابىستىلىقتى ساقتاپ قالۋعا جانە ونى ۇلعايتا تۇسۋگە ارەكەتتەندى», دەيدى تۇرعىن ءۇي سالاسىنىڭ تاۋەلسىز ساراپشىسى اننا شاتسكايا.
ساراپشىنىڭ ايتۋىنشا, ءۇي ساتىپ الۋدى جوسپارلاپ, بىراق باعا وسۋىنە بايلانىستى بۇل جوسپارىن كەيىنگە قالدىرىپ, پاتەر جالداپ تۇرۋعا كوشكەن ازاماتتار دا سۇرانىستىڭ ءوسۋىن تۋعىزدى. ونداي جاعدايدا ۇسىنىس جاساۋشىلاردىڭ دا (ارەندا يەلەرىنىڭ) قىمبات باعامەن ساۋدالاسۋعا تىرىساتىنى بەلگىلى. ارينە, ارەندانىڭ قىمباتتاۋىنا بۇدان وزگە دە ەكونوميكالىق سەبەپتەر كوپ. سونىڭ قاتارىندا – تۇعىرىنان تۇسپەي تۇرعان ينفلياتسيانى, كارانتين شارالارىنىڭ السىرەۋىن, وقۋ مەن جۇمىستىڭ ءداستۇرلى فورماتقا ورالۋىن اتاي الامىز. ونىڭ ۇستىنە 2020 جىلى لوكداۋن سالدارىنان كىرىسىنەن ايىرىلعان جالعا بەرۋشىلەر سونىڭ ورنىن تولتىرۋ ءۇشىن دە باعانى وڭدى-سولدى ءوسىرىپ جىبەردى.
بىرنەشە كۇن بۇرىن ۇكىمەت ءۇي كەزەگىندە تۇرعان ازاماتتاردىڭ ارەندالىق اقىسىنىڭ جارتىسى تولەنەتىنىن مالىمدەدى. بۇل ماقساتتا 50 ملرد تەڭگە قاراستىرىلعان. يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە, اكىمدىك كەزەگىندە تۇرعان كوپبالالى وتباسىلار مەن انالار, I جانە II توپتاعى مۇگەدەكتەر, مۇگەدەك بالا تاربيەلەپ وتىرعان وتباسىلار, جەتىم جانە اتا-انا قامقورلىعىنسىز قالعان بالالار (29 جاستان اسپاعان) وسى كومەكتى الادى. سونداي-اق كومەك الۋشىدا قازاقستان رەسپۋبليكاسىنىڭ ازاماتتىعى بولۋى جانە وتباسىنىڭ ءاربىر مۇشەسىنىڭ سوڭعى التى ايداعى تابىسى ەڭ تومەنگى كۇنكورىس دەڭگەيىنەن (2022 جىلى 36 018 تەڭگە) اسپاۋى قاجەت. مينيسترلىكتىڭ ەسەپتەۋىنشە, ەلىمىزدە ونداي ازاماتتار سانى 70 مىڭعا جۋىقتايدى.
دەگەنمەن ساراپشىلاردىڭ ءبىر شوعىرى 2022 جىلى تۇرعىن ءۇي نارىعىندا جىلىمىق پايدا بولۋى مۇمكىن دەپ بولجايدى. قازاقستان جىلجىمايتىن م ۇلىك فەدەراتسياسىنىڭ پرەزيدەنتى ەرمەك مۇسىرەپوۆتىڭ ايتۋىنشا, جىلدىڭ ەكىنشى جارتىسىندا پاتەرگە دەگەن اجيوتاجدى سۇرانىس ءبىرشاما باسەڭدەيدى.
«2022 جىلدىڭ 1 ساۋىرىنەن باستاپ بجزق-داعى ارتىق اقشانى مەرزىمىنەن بۇرىن الۋعا بايلانىستى جاڭا شەكتىڭ بەلگىلەنۋىنە وراي باسپانا نارىعىنداعى احۋال ءبىراز تۇراقتالادى. زەينەتاقى اقشاسى ەسەبىنەن تۇرعىن ءۇي جاعدايىن جاقسارتپاعاندار مۇنى 1 ساۋىرگە دەيىن ىستەۋگە تىرىسادى. مامىر ايىنان باستاپ نارىق, اسىرەسە ەكونوم ساناتىنداعى سەگمەنت قايتا جاڭارادى. اي كولەمىندە 1-2 پايىزعا تومەندەيدى. ال جايلى, بيزنەس جانە ەليت ساناتىنداعى تۇرعىن ۇيلەر باعاسى ينفلياتسيا دەڭگەيىنە وراي وزگەرمەك», دەيدى ول.
