ۆيرۋسقا قارسى كۇرەس جالعاسادى

ۇلىبريتانيا, گەرمانيا, جاپونيا, يتاليا, پولشا, ليتۆا, يزرايل جانە رەسەيدىڭ جە­تەك­­شى كلينيكالارىندا مەدي­تسي­نا­لىق كادرلاردى وقىتۋ باع­دار­­لاماسى 2017 جىلدان بەرى ىسكە اسىرىلىپ كەلەدى. دارىگەرلەر نەگىزىنەن ونكولوگيا, كارديولوگيا, كارديوحيرۋرگيا, نەيروحيرۋرگيا, مەديتسينالىق وڭالتۋ جانە گينەكولوگيا سياقتى باسىم باعىتتار بويىنشا ءبىلىم الۋدا.

سوڭعى بەس جىل ىشىندە عانا 5 571 مەديتسينا قىزمەتكەرى ءبىلى­مىن ۇش­تادى. سونىمەن قاتار 336 دارىگەر شەتەلدە بىلىكتىلىگىن ارتتىرعان. 2021 جىلدىڭ وزىندە يزرايل, پولشا, رەسەي كلينيكالارىندا 65 مامان ءبىلىم الدى. دەنساۋلىق سالاسىنا بولىن­گەن قارجى دا از ەمەس. جال­پى, مەديتسيناعا 27 ملرد تەڭگە با­عىت­تالعان. قارجىنىڭ باسىم بولى­گى كوروناۆيرۋس ينفەكتسياسى­مەن كۇرەسۋگە جۇمىلدىرىلدى.

ۆيرۋستىڭ بەتىن قايتارۋ­داعى باستى جانە بىردەن-ءبىر ءتيىم­دى كۇرەس – ۆاكتسينالاۋ ەكەنى انىق. وسىعان وراي وبلىستا 343 ەگۋ كابينەتى اشىلعان. اۋىلدا جىلجىمالى پۋنكتتەر مەن ءموبيلدى كەشەن­دەر ۇيىم­داس­تى­رىل­دى. ۆاك­تسينا­لاۋ دەڭگەيى بو­يىنشا شىعىس قازاقستان وبلىسى ەلىمىز­دىڭ باس­قا وڭىرلەرى اراسىندا كوش باس­تاپ تۇر.

وڭىردە 39 كوۆيدتىك بولىم­شەدە قاجەتتى ورىن سانى تولىعى­مەن قامتاماسىز ەتىلگەن. مەديتسي­نالىق ۇيىمداردا دارىلىك زاتتار مەن جەكە قورعانۋ قۇرالدارىنىڭ قورى دا جەتكىلىكتى. 18 كومپيۋ­تەرلىك توموگراف, 67 رەنتگەن اپ­پا­راتى, 370 وكپەنى جەلدەتۋ اپپاراتى جۇمىس ىستەيدى. ال پتر تەستىلەۋ 20 زەرتحانادا جۇر­گىزىلەدى. سوڭعى بەس جىل ىشىندە حا­لىق­ارالىق ستاندارتتارعا ساي­كەس 3 مىڭنان استام زاماناۋي جاب­دىق ساتىپ الىندى. جەدەل جاردەم اۆتوكولىكتەرىنىڭ پاركى 216 بىرلىككە جاڭارتىلدى.

باسا ايتا كەتەرلىگى, راديوفارمپرەپاراتتار وندىرۋدەن باس­تاپ راديونۋكليدتىك دياگنوس­تيكا مەن تەراپيا جۇرگىزۋگە دەيىنگى تولىق تسيكلدى قامتيتىن يادرولىق مەديتسينالىق ورتالىق ىسكە قوسىلدى. راديونۋكليد­تىك تەراپيا بولىمشەسى ەلىمىزدە ساناۋلى عانا. سونداي-اق وبلىس ورتالىعىندا مامولوگيا جانە گينەكولوگيا رەانيماتسياسى بولىمشەسىنىڭ وپەراتسيالىق بلوگى جاڭعىرتىلدى.

دەنساۋلىق سالاسىنا جان-جاقتى كوڭىل ءبولىنىپ جاتقانىمەن, كورونوۆيرۋس ينفەكتسياسىنىڭ تارالۋى ازايار ەمەس. 28 قاڭتارداعى ەسەپتەۋگە سۇيەنسەك, وڭىردە كورونوۆيرۋس جۇقتىرعان 451 جاعداي تىركەلدى. ونىڭ ىشىندە 390 سيمپ­تومدى, 61 سيمپتومسىز جاعداي انىقتالدى. ال ستاتسيونارلاردا اتالعان ينفەكتسياعا شالدىققان 311 ناۋقاس ەم الىپ جاتىر.

«اۋىرىپ ەم ىزدەگەنشە, اۋىر­ماۋدىڭ جولىن ىزدە» دەمەكشى, رەۆاكتسينالاۋ جۇمىستارى قولعا الىنعانىن ايتتىق. جۋىردا وبلىسقا «سپۋتنيك-Lite» ۆاكتسي­ناسىنىڭ العاشقى پارتياسى دا كەلىپ ءتۇستى. قازىرگى ۋاقىتتا رەسەي­­لىك كوروناۆيرۋسقا قارسى پرە­­پاراتتىڭ پارتياسى وبلىستىڭ مەديتسينالىق ۇيىمدارىنا تاراتىلىپ جاتىر. جاقىن ارادا ۆاكتسينا بارلىق ەمحانادا حا­لىققا قولجەتىمدى بولادى. بۇل تۋرالى دەنساۋلىق ساقتاۋ باس­قار­ماسىنىڭ ءباسپاسوز حاتشىسى اسەم سەكسەنوۆا حابارلادى.

ەسكە سالا كەتسەك, «سپۋتنيك-Lite» ەكپەسى كوروناۆيرۋسقا قارسى ۆاكتسينالاۋدىڭ تولىق كۋرسىنان كەيىنگى رەۆاكتسينالاۋعا ارنالعان. رەۆاكتسينالاۋ ەكپە الۋدىڭ تولىق كۋرسىنان كەيىن التى ايدان سوڭ جۇرگىزىلەدى. دارى­گەرلەردىڭ ايتۋىنشا, «سپۋتنيك-Lite» پرەپاراتىنىڭ قۇرامى «سپۋتنيك-V» ەكپەسىنىڭ ءبىرىنشى كومپونەنتىنە ۇقساس.

– 17 قاڭتارعا دەيىن بىزگە 15-20 ادام عانا جۇگىنىپ, اتال­عان اۋرۋ انىقتالعان. ال قازىر بىزگە كۇنىنە 80-گە جۋىق ناۋقاس كە­لە­دى. ءموبيلدى بري­گا­دا­­لار­دىڭ قوڭى­راۋ­لارى دا ارت­تى. سون­­دىقتان انتيدە­نەلەر­دىڭ دەڭ­گەيى تومەندەمەۋى ءۇشىن حا­لىق­­تى رەۆاكتسينالاۋدان وتۋگە شا­قى­رامىن, – دەيدى امبۋلاتو­ريا­لىق ورتالىقتىڭ جالپى پراكتيكا دارىگەرى ىڭكار مانتاەۆا.

دەنساۋلىق ساقتاۋ باسقارما­سىنىڭ مالىمەتىنشە, شىعىس قازاقستاندا 154 مىڭنان استام ادام رەۆاكتسينالاۋدان وتكەن. جاسوسپىرىمدەردى, جۇكتى جانە بالا ەمىزەتىن ايەلدەردى ۆاكتسينالاۋ جالعاسىپ جاتىر. وسى ساناتقا جاتاتىن 170 مىڭنان استام ادام Comirnaty Pfizer ۆاكتسيناسىن الدى. بۇل رەتتە پرەپارات 60 جاستان اسقان ادامدار مەن مەديتسينا قىزمەتكەرلەرىنە رەۆاكتسينالاۋ ءۇشىن قولجەتىمدى.

وڭىردە ىندەتتىڭ بەتى قايتپا­عان­دىقتان, بارلىق سانيتارلىق تالاپتار ساقتالۋعا ءتيىس. وسى ۋاقىتقا دەيىن ونلاين فورماتتا وقىعان وقۋشىلار 31 قاڭتاردان باستاپ, ءداستۇرلى تۇردە مەكتەپكە باراتىن بولادى. دەگەنمەن ساقتىق شارالارىن بوساڭسىتۋعا بولمايدى.

شىعىس قازاقستان وبلىسى