مەملەكەت باسشىسىنا ەلورداعى الەۋمەتتىك نىسانداردىڭ قۇرىلىسى, گازبەن قامتۋ ءىسى, ۇلەسكەرلىك قۇرىلىس نىساندارىنىڭ اياقتالۋى مەن ينۆەستيتسيا تارتۋ ماسەلەلەرى جونىندە جان-جاقتى اقپارات بەرىلدى.
پرەزيدەنت الەۋمەتتىك نىساندار قۇرىلىسىنىڭ كولەمىن ۇلعايتۋ, توزىعى جەتكەن ەسكى تۇرعىن ۇيلەردى ءسۇرۋ جانە جاڭا تۇرعىن ءۇي الاپتارىن دامىتۋ قاجەتتىلىگىنە ەرەكشە نازار اۋداردى. جۇمىس ورىندارىن اشۋ جانە جاستاردى قولداۋ ماسەلەسى باسىم مىندەتتەردىڭ ءبىرى رەتىندە اتاپ ءوتىلدى.
قابىلداۋ بارىسىندا بيىل 10 مىڭ الەۋمەتتىك پاتەر سالىناتىنى ايتىلدى. ايتا كەتسەك, سوڭعى ءۇش جىلدا بۇل كورسەتكىش 3 ەسە ارتقان. بيىل تاعى دا 40 كوپپاتەرلى تۇرعىن ءۇي كەشەنىنىڭ قۇرىلىسى اياقتالىپ, كەمىندە 16 مەكتەپ سالىناتىن بولادى.
سونداي-اق, قاسىم-جومارت توقاەۆقا قالاداعى ەپيدەميولوگيالىق احۋالدى تۇراقتاندىرۋعا جانە ۆاكتسينالاۋعا باعىتتالعان شارالار تۋرالى باياندالدى.
كەزدەسۋ سوڭىندا پرەزيدەنت ەلوردانى ودان ءارى دامىتۋ ماقساتىندا بىرقاتار تاپسىرما جۇكتەدى.
