اتاۋلى تۇرعىن ءۇي كومەگى جالعا الۋ قۇنىنىڭ 50%-ىن مەملەكەت, قالعان 50%-ىن جالعا الۋشى تولەيدى قاعيداتىنا نەگىزدەلەدى.
جەكە تۇرعىن ءۇي قورىنان باسپانانى جالعا العانى ءۇشىن بەرىلەتىن تولەمدى تابىسى ءبىر ەڭ تومەنگى كۇنكورىس دەڭگەيىنەن تومەن, جەرگىلىكتى اتقارۋشى ورگانداردا كەزەكتە تۇرعان ازاماتتارعا تاراتۋ ۇسىنىلادى. بۇگىنگى تاڭدا ەلىمىزدە مۇنداي 70 مىڭ جان بار.
ولار: كوپ بالالى وتباسىلار, 1 جانە 2 توپتاعى مۇگەدەكتەر, مۇگەدەك بالالار جانە اتا-اناسىنىڭ قامقورلىعىنسىز قالعان بالالار. وسى ساناتتاعى ازاماتتارعا جالعا بەرىلەتىن تۇرعىن ءۇي قۇنىنىڭ جارتىسىن تاعايىنداۋ كوزدەلەدى.
وپەراتور رەتىندە «وتباسى بانكىن» انىقتاۋ ۇسىنىلدى. ءوتىنىش بەرۋشىلەر ءۇشىن مىنانداي نەگىزگى تالاپتار قويىلادى:
1) قازاقستان رەسپۋبليكاسىنىڭ ازاماتتىعى;
2) وتباسىنىڭ (ازاماتتىڭ) ءاربىر مۇشەسىنە شاققانداعى سوڭعى 6 (التى) ايداعى جيىنتىق تابىسى ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەكىتىلگەن ەڭ تومەن كۇنكورىس دەڭگەيىنىڭ 1 ەسەلەنگەن شاماسىنان اسپاۋى;
3) «تۇرعىن ءۇي قاتىناستارى تۋرالى» زاڭعا سايكەس باسپاناعا مۇقتاج رەتىندە ەسەپكە قويىلىپ, تۇرعىن ۇيگە مۇقتاج مارتەبەسىن الۋى;
4) تۇرعىن ءۇيدىڭ مەنشىك يەسى مەن جالعا الۋشى اراسىندا جاسالعان, سونداي-اق قۇقىقتىق كاداستردا تىركەلگەن شارتتىڭ بولۋى.
