باس سانيتارلىق دارىگەردىڭ سوزىنە قاراعاندا, 22 قاڭتاردا, ياعني ءبىر تاۋلىكتە 2,5 مىڭ الماتىلىق كوروناۆيرۋسقا شالدىققان. اي سوڭىندا تاۋلىگىنە 3 مىڭعا دەيىن ناۋقاس تىركەلۋى كۇتىلۋدە.
«بىلتىر اقپان ايىندا ۆاكتسينالاۋ باستالعالى ەكپە الۋشىلاردىڭ تەك 2,1%-ى ىندەت جۇقتىرعان. بۇل مالىمەت قالا تۇرعىندارىنا ۆاكتسينالاۋ مەن رەۆاكتسينالاۋ قارقىنىن كۇشەيتۋدى تالاپ ەتەدى. قالادا يممۋندىق جۇيە 62,4% قۇرايدى», دەيدى ق.ءابدىجابباروۆا.
قازىر الماتىدا نەگىزىنەن 20-39 جاس ارالىعىنداعىلار ىندەتكە كوبىرەك شالدىعىپ وتىر, اۋىرعانداردىڭ 40%-ى وسى جاستاعىلار, ال 40-59 جاستاعىلار – 26,7%, 60 جاستان اسقان ادامدار – 19,3%. ىندەتكە شالدىققاندار ىشىندە زەينەتكەرلەر – 1,5% بولسا, مەكتەپ جاسىنا دەيىنگى بالالار اراسىندا – 0,8%, بانك سالاسىنىڭ قىزمەتكەرلەرى اراسىندا – 0,2%, ۇيىمدار, سەرىكتەستىكتەر, جەكە كاسىپكەرلەر اراسىندا 0,1%-عا وسكەنى بايقالادى.
الماتىدا كارانتيندىك شەكتەۋلەر ءىشىنارا الىنعانىمەن, كونتسەرت زالدارى, تەاترلار, تسيركتەر, فيلارمونيالار قىزمەتىنە, كونفەرەنتسيالار, سەمينارلار, كورمەلەر, فورۋمدار, تۇنگى كلۋبتار, كاراوكە قىزمەتىنە شەكتەۋ قويىلىپ, ۇجىمدىق ءدىني جورالار وتكىزۋگە تىيىم سالىندى. قوعامدىق تاماقتانۋ ورىندارىنا كەلۋشىلەر سانىن 4 ادامعا دەيىن جانە كينوتەاترلاردىڭ تولىمدىلىعىن 30%-عا دەيىن قىسقارتۋ تۋرالى تالاپ ساقتالادى.
بۇل نىسانداردىڭ ءبارى Ashyq اياسىندا «قىزىل ايماقتىڭ» قولدانىستاعى ولشەمدەرىمەن جۇمىس ىستەمەك. مىسالى, كونتسەرتتەر, تەاترلار, كينوتەاترلار, قوعامدىق تاماقتانۋ, تۇنگى كلۋبتار, كاراوكە – 50 پايىزعا دەيىن, 50 ادامنان ارتىق ەمەس, كورمەلەر – 70%-عا دەيىن 200 ادامنان ارتىق ەمەس.
ال 24 قاڭتاردان باستاپ بالاباقشالار اتا-انالاردىڭ ءوتىنىشى بويىنشا شتاتتىق فورماتتا, جالپى ءبىلىم بەرەتىن مەكتەپتەر – 600 بالاعا دەيىنگى كونتينگەنتى بار 1-دەن 4-سىنىپقا دەيىن شتاتتىق فورماتتا, ال 600-دەن استام وقۋشىسى بار مەكتەپتەر – 50%-عا شتاتتىق فورماتتا جۇمىس ىستەۋگە رۇقسات ەتىلگەن.
سونداي-اق مەكتەپتەن تىس جانە ءبىلىم بەرۋ ورتالىقتارىنىڭ شتاتتىق فورماتتاعى, جوو مەن كوللەدجدەردىڭ ارالاس فورماتتاعى جۇمىسىنا رۇقسات ەتىلدى. ۆاكتسينالانعان وقۋشىلارعا مەكتەپ اكىمشىلىگىنىڭ قالاۋى بويىنشا وففلاين رەجىمدە رۇقسات ەتىلەدى.
الماتى
