ايماقتار • 26 قاڭتار، 2022

اتىراۋعا «سپۋتنيك لايتتىڭ» 3 مىڭ دوزاسى جەتكىزىلدى

47 رەت كورسەتىلدى

پرەپارات قالا تۇرعىندارىن كوروناۆيرۋس ينفەكتسياسىنان قايتا ۆاكتسيناتسيالاۋعا ارنالعان، دەپ حابارلايدى Egemen.kz.

اتىراۋ وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى ءمالىم ەتكەندەي، رەسەيلىك «سپۋتنيك لايت» ۆاكتسيناسىنىڭ ءۇش مىڭ دوزاسى قالالىق ەمحانالارعا، دارىگەرلىك امبۋلاتوريالارعا جانە اۋداندىق اۋرۋحانالارعا تاراتىلدى.

«سپۋتنيك لايت» پرەپاراتىمەن №1، 2، 3، 4، 5، 7، گەولوگ، دامبا جانە ەركىنقالا ەمحانالارىندا، سونداي-اق جەتى اۋداندىق اۋرۋحانانىڭ ەگۋ پۋنكتتەرىندە قايتا ۆاكتسيناتسيالانۋعا بولادى. ۆاكتسينا كوروناۆيرۋستىق ينفەكتسياعا قارسى ۆاكتسيناتسيانىڭ تولىق كۋرسىنان كەيىن رەۆاكتسيناتسيا جۇرگىزۋگە ارنالعان»، دەدى وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋۆاليەۆ.

حالىق ءۇشىن ۆاكتسينانىڭ بۇل ءتۇرى 25 قاڭتاردان باستاپ قول جەتىمدى. رەۆاكتسيناتسيا ۆاكتسيناتسيانىڭ تولىق كۋرسىنان كەيىن التى ايدان ەرتە جۇرگىزىلمەيدى.

«سپۋتنيك Light» - بۇل ۆەكتورلىق ۆاكتسينا، ونىڭ قۇرامى «سپۋتنيكتىڭ» ءبىرىنشى كومپونەنتىنە ۇقساس»، دەپ تۇيىندەدى اسحان بايدۋۆاليەۆ.

سوڭعى جاڭالىقتار

ۇقساس جاڭالىقتار