قىسقى سپورت • 26 قاڭتار، 2022

ەرتەڭ قازاقستان قۇراماسى بەيجىڭگە اتتانادى

349 رەت كورسەتىلدى

2022 جىلعى قىتاي استاناسى بەيجىڭ قالاسىندا وتەتىن XXIV قىسقى وليمپيادا ويىندارىنا قازاقستان قۇراماسى ەرتەڭ، ياعني 27 قاڭتار كۇنى اتتانادى، دەپ حابارلايدى Egemen.kz.

قازاقستان ۇلتتىق وليمپيادا كوميتەتى حابارلاعانداي، قازىرگى تاڭدا قازاقستاندىق اتلەتتەر جابىق كارانتين ايماقتارىندا ورنالاسقان. كوماندانىڭ نەگىزگى بولىگى نۇر-سۇلتان مەن الماتى ارقىلى چارتەرلىك رەيسپەن قىتايعا ۇشادى.

ال شەتەلدەردە وقۋ-جاتتىعۋ جيىندا جۇرگەن سپورتشىلار جەكە گرافيك بويىنشا بەيجىڭگە سول وزدەرى تۇرعان ەلدەن توتە ۇشىپ بارادى.

ايتا كەتەيىك، اتالعان اق وليمپيادادا ەلىمىزدىڭ نامىسىن 34 سپورتشى قورعايدى.

ولار - قىسقى سپورت ويىندارىنىڭ ىشىندە سپورتتتىڭ شاڭعى جارىسى، فريستايل-موگۋل، شاڭعى اكروباتيكاسى، تاۋ شاڭعىسى، شاڭعىمەن سەكىرۋ، بياتلون جانە شورت-ترەك تۇرلەرىنەن جۇلدەلى ورىندارعا تالاسادى.

وليمپيادا ويىندارى 4 اقپان كۇنى باستالىپ، 16 اقپاندا مارەسىنە جەتەدى. الدىن الا مالىمەتتەر بويىنشا، بۇل ويىندارعا الەمنىڭ 95 ەلىنەن 4 مىڭنان استام سپورتشى قاتىسادى. وندا 109 مەدال جيىنتىعى ساراپقا سالىنادى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار