«وليمپيادا ويىندارى 4 اقپاندا باستالادى. ويىندار ءۇش سپورت كلاستەرىندە وتەدى. الدىن الا مالىمەتتەر بويىنشا, ويىندارعا الەمنىڭ 95 ەلىنەن 4 مىڭنان استام سپورتشى قاتىساتىن بولادى. ولار 109 مەدال جيىنتىعىن ويناتادى. بەيجىڭدەگى وليمپيادالىق كوماندا قۇرامىندا 34 سپورتشى ونەر كورسەتەدى. بۇل الدىڭعى وليمپيادالارعا قاراعاندا از. ليتسەنزيالاردىڭ كوپشىلىگىن شاڭعىشىلار – 35, كونكيمەن جۇگىرۋشىلەر – 12 جانە بياتلونشىلار – 12 جەڭىپ الدى», دەپ ءتۇسىندىردى ۇوك باس حاتشىسى.
شورت-ترەك بويىنشا - 9, فريستايل-اكروباتيكا بويىنشا - 4, فريستايل-موگۋل بويىنشا - 6, ترامپليننەن شاڭعىمەن سەكىرۋ بويىنشا - 4, تاۋ شاڭعىسى سپورتى بويىنشا - 3, شاڭعى ءۇشسايىسى بويىنشا - 3 سپورتشى ونەر كورسەتەدى.
اندرەي كريۋكوۆ قازىر سپورتشىلار دايىندىقتىڭ سوڭعى كەزەڭىنەن ءوتىپ, كارانتيندىك ايماقتاردا ورنالاسقانىن ەسكە سالدى: ولاردىڭ ەكەۋى - قازاقستاندا جانە ۇشەۋى – شەتەلدە.
