«بۇگىندە ەكىجاقتى تاۋار اينالىمى بارلىق جاڭا رەكوردتىق بەلگىلەرگە جەتىپ وتىر. وتكەن جىلدىڭ 11 ايىنىڭ قورىتىندىسىندا بۇل كورسەتكىش 17 ملرد دوللارعا دەيىن جەتتى. ورتالىق ازيا مەملەكەتتەرىنە 40 ملرد دوللارلىق قىتاي ينۆەستيتسياسىنىڭ جارتىسى قازاقستانعا تيەسىلى. بۇل دا وتە جاقسى كورسەتىش. سوندىقتان ءبىزدىڭ ەلىمىزدىڭ وڭىردەگى قىتايدىڭ ءىرى ساۋدا جانە ينۆەستيتسيالىق سەرىكتەسىنە اينالۋى زاڭدىلىق. وسى مۇمكىندىكتى پايدالانىپ, شەتەلدىك ينۆەستورلاردى, ونىڭ ىشىندە قىتايلىق سەرىكتەستەرىمىزدى مۇنان ارى دا جان-جاقتى قولداۋعا نيەتتى ەكەندىگىمىزدى اتاپ وتكىم كەلەدى», دەدى مەملەكەت باسشىسى.
قاسىم-جومارت توقاەۆ قازىرگى ۋاقىتتا قازاقستان ۇكىمەت ىينۆەستورلار ءۇشىن بارىنشا قولايلى جاعداي جاساۋعا باعىتتالعان جاڭا ينۆەستيتسيالىق ساياسات ازىرلەپ جاتقاندىعىن اتاپ ءوتتى.
«مۇنداي ساياسات قازاقستاننىڭ جاڭا ەكونوميكالىق باعىتىنىڭ اجىراماس بولىگى سانالادى», دەدى قر پرەزيدەنتى.
