وبلىستا وتكەن تاۋلىكتە 124 ادام كوروناۆيرۋس جۇقتىردى. ونىڭ 43-نەن اۋرۋ بەلگىسى بايقالسا, 81-ءى سيمپتومسىز. ال ينفەكتسيالىق ستاتسيوناردا 368 ناۋقاس ەم قابىلداۋدا. وڭىردە رەۆاكتسيناتسيا جۇمىستارى بەلسەندى جۇرگىزىلۋدە. قازىرگە دەيىن 39 537 ادام كوروناۆيرۋسقا قارسى ۆاكتسينانىڭ ءۇشىنشى دوزاسىن قابىلدادى.
«قازىرگى تاڭدا ءوڭىر «قىزىل» ايماقتار قاتارىندا. ىندەت جۇقتىرۋشىلار قاتارى كۇن سايىن ارتىپ بارادى. سوندىقتان تۇرعىنداردى ۆاكتسيناتسيالاۋ ماڭىزى ارتىپ تۇر. قازىرگى تاڭدا ءبىرىنشى كومنونەنتىن العاندار 92,6 پايىزعا جەتتى. ال ەكىنشى كومپونەنتىن العاندار 87,8 پايىزدى قۇرادى. ال وبلىستاعى 39 537 تۇرعىن رەۆاكتسيناتسيادان ءوتتى.
سونداي-اق, وڭىرگە 8 مىڭ دوزا «سپۋتنيك-V» ۆاكتسيناسى جەتكىزىلىپ, بارلىق ەمحانالارعا جونەلتۋدە. ال «Ffizer» ۆاكتسيناسىن 22 333 تۇرعىن قابىلدادى. جالپى بارلىق ەمحانالار شتاتتىق رەجيمدە جۇمىس ىستەۋدە», دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جانگەلدى شايىمبەتوۆ.
