مۇرزاحانوۆتىڭ ايتۋىنشا, بۇقتىرما - قۇلجا, سەيفۋللين - جانسۇگىروۆ جانە ساين - موڭكە بي جولايرىقتارىنىڭ قۇرىلىسى جالعاسىپ جاتىر.
«بۇقتىرما جانە قۇلجا جول ايرىعى بويىنشا جۇمىستار كەستە بويىنشا جۇرگىزىلىپ جاتىر. قالا اۋماعى بويىنشا جەر ۋچاسكەلەرىن ساتىپ الۋ تولىعىمەن اياقتالدى. جاقىن ارادا تالعار اۋدانى اۋماعىنان ەكى ۋچاسكە ساتىپ الامىز. بۇل ماسەلەمەن الماتى وبلىسىنىڭ اكىمدىگى اينالىسادى.
كەيىن ەستاكادا مەن سەزدەر سالۋ بويىنشا قۇرىلىس-مونتاج جۇمىستارىن اياقتاۋ, سول ارقىلى كولىكتىڭ بارلىق باعىتتاردا ءجۇرۋىن قامتاماسىز ەتۋ جوسپارى بار. بيىلعى جىلدىڭ قىركۇيەگىنە بارلىق جۇمىستاردى اياقتاۋ جوسپارلانىپ وتىر», دەدى مۇرزاحانوۆ.
ونىڭ ايتۋىنشا, سەيفۋللين مەن جانسۇگىروۆ جولايىرىعىنداعى ساتىپ الىنعان ۋچاسكەلەردە دە جۇمىستار جۇرگىزىلىپ جاتىر. جۇمىس تولىق 2023 جىلى اياقتالادى دەپ جوسپارلانعان.
«ساين مەن موڭكە بي جولايرىعىندا دايىندىق جۇمىستارى باستالدى. بيىل بۇل جولايرىعىندا دا قوزعالىستى اشۋ جوسپارى بار, بىراق جۇمىستىڭ تولىق اياقتالۋى 2023 جىلعا جوسپارلانعان», دەپ تۇيىندەدى ول.
عاني مۇرزاحانوۆ, وتكەن جىلى رىسقۇلوۆ داڭعىلى مەن ەمتسوۆ كوشەسىنىڭ قيىلىسىنداعى جولايرىق قۇرىلىسى اياقتالعانىن ەسكە سالدى.
