ەكونوميكا • 24 قاڭتار، 2022

قىزمەت تۇرلەرىنىڭ تىزبەسىن كەڭەيتتى

63 رەت كورسەتىلدى

يندۋستريا جانە ينفراقۇرىلىمدىق دامۋ مينيسترلىگى 2021 جىلى رەسپۋب­ليكانىڭ بىرقاتار ارنايى ەكونوميكالىق ايماقتارى ءۇشىن قىزمەت تۇرلەرىنىڭ تىز­بەسىن كەڭەيتتى. بۇل سىرتقى ەكونومي­كالىق بايلانىستاردى جانداندىرۋ، ەكونوميكانى قولداۋ جانە وڭىرلەردىڭ الەۋمەتتىك پروبلەمالارىن شەشۋ، ارنايى ەكونوميكالىق ايماقتاردىڭ (بۇدان ءارى – اەا) جۇمىسىنا ينۆەستيتسيا­لار، تەحنولوگيالار مەن قازىرگى زامانعى مەنەدجمەنتتى تارتۋ ءۇشىن جاسالدى.

بىلتىر «اقتاۋ تەڭىز پورتى» ارنايى ايماعىنىڭ قىزمەت تۇرلەرى كەڭەيتىلدى. ەندى اتالعان اەا جىلۋ ەلەكتر ستانسالارىمەن ەلەكتر ەنەرگيا­سىن ءوندىرۋ; ەلەكتر ەنەرگياسىن بەرۋ جانە تاراتۋ; تۇرعىن جانە تۇرعىن ەمەس عيماراتتار قۇرىلىسى; قوناق ۇيلەر جانە تۇرۋعا ارنالعان ورىندار قىزمەتتەرىن ۇسىنۋ; جەكە نەمەسە جالعا الىنعان جىلجىمايتىن م ۇلىكتى جالعا الۋ جانە باسقارۋ; دەمالىس پەن ويىن-ساۋىقتى ۇيىمداستىرۋ بويىنشا قىزمەتتەر سەكىلدى جوبالارمەن اينالىسا الادى:

قارقىندى دامىپ كەلە جاتقان ايماق­تاردىڭ ءبىرى – «سارىارقا» اەا. وندا دايىن مەتالل بۇيىمدارى مەن قۇرىلىس ماتەريالدارى: شارلى كراندار، جىلۋ وق­شاۋ­لاعىش قۇبىرلار، وتقا ءتوزىمدى ماتەريال­دار، جەزدەن جاسالعان بۇيىمدار، دىرىلگە جانە وتقا ءتوزىمدى بۇيىمدار شىعا­رىلادى. ەندى «سارىارقا» اەا-دا ىستەن شىققان كولىك قۇرالدارىن، ارنايى تەحنيكا جانە اۋىل شارۋاشىلىعى ماشينالارىن، توڭازىتقىشتار مەن توڭازىتقىش جابدىقتارىن جيناپ، وڭدەپ جانە قال­-
دىق­­تاردى جويىپ، قالپىنا كەلتىرە الادى.

Qyzyljar اەا قىزمەت تۇرلەرىنىڭ تولىقتىرىلعان تىزبەسىنە اعاش ماس­ساسى مەن تسەلليۋلوزا; قاعاز جانە كارتون; گوف­رو­كارتون; قاعاز جانە كارتون ىدىسى; شارۋاشىلىق-تۇرمىستىق جانە ساني­تار­­لىق-گيگيەنالىق ماقساتتاعى قاعاز بۇيىم­دارى; فارماتسەۆتيكالىق ونىمدەر مەن پرەپاراتتار; ۆەتەرينارياعا ار­نالعان دارىلىك پرەپاراتتار ءوندىرىسى كىردى.

قىزمەتتىڭ باسىم تۇرلەرىنىڭ تىز­بەسى TURKISTAN اەا-دا دا كەڭەي­تىلدى. نىساندارعا كەشەندى قىز­مەت كورسەتۋ; اۋماقتاردى اباتتاندىرۋ قىز­مەت­تەرى; جيھاز بەن ينتەرەر زات­تا­رىن جوندەۋ; تاماقپەن جانە سۋسىن­دارمەن قامتاماسىز ەتۋ بو­يىنشا قىز­مەت كورسەتۋ; ەلەكتروندىق جانە وپتي­كا­لىق جابدىقتاردى جوندەۋ; باسقا توپتامالارعا ەنگىزىلمەگەن اقپاراتتىق تەحنولوگيالار مەن جۇيەلەر سالاسىنداعى وزگە دە قىزمەت تۇرلەرى قوسىلدى.

بۇدان باسقا، «ۇلتتىق يندۋستريالىق مۇناي-حيميا تەحنوپاركى»، «اقتاۋ تەڭىز پورتى»، «سارىارقا»، «تاراز حيميالىق پاركى» جانە «پاۆلودار» اەا-دا قىزمەت تۇرلەرى «كوپ بەيىندى اۋرۋحانا قۇرىلىسى جانە پايدالانۋعا بەرۋ» تارماعىمەن تولىقتىرىلدى.

سونىمەن قاتار بىلتىر بىرنەشە اەا اۋماعى ۇلعايتىلدى. «سارىارقا» اەا اۋدانى جىلۋ ەلەكتر ستانساسىن جانە فەررو­قورىتپا مەن كوكس وندىرەتىن زاۋىتتار سالۋ ءۇشىن 345،5 گا-عا ءوستى. Qyzyljar اەا-نا قاعاز جانە قاعاز ونىمدەرىن وندىرە­تىن زاۋىت سالۋ ءۇشىن 15 گا قوسىلدى. «استانا – جاڭا قالا» اەا 83،7 گا-عا ۇلعايىپ، ونىڭ اۋماعىندا تەمىر جول ماشينا جاساۋ كلاستەرى قۇرىلدى. كەزىندە جەڭىلدىكتەر قۇرىلىس يندۋسترياسىنا قاتىسۋشىلاردى قىزىقتىرىپ، قىسقا مەرزىم ىشىندە كوپتەگەن تۇرعىن ۇيلەر جانە الەۋمەتتىك وبەكتىلەر سالىندى. ەلوردانىڭ سول جاعالاۋىندا جاڭا اكىمشىلىك-ىسكەرلىك جانە مادەني ورتالىق قۇرىلدى.

ايتا كەتەلىك، بۇگىنگى تاڭدا قا­زاقستاندا 13 اەا جۇمىس ىستەيدى. 2002 جىلدان باستاپ وندا 307 جوبا ىس­كە اسىرىلىپ، 21 مىڭنان استام تۇ­راقتى جۇمىس ورنى اشىلدى. اەا-نىڭ ەرەكشە مارتەبەسىنىڭ ناتيجەسىندە كاسىپورىنداردا 30-دان استام جاڭا ءونىم تۇرلەرى، ونىڭ ىشىندە وپتيكالىق قۇرىلعىلار، تۇندە كورۋ اسپاپتارى، برونەترانسپورتەرلەر، لوكوموتيۆتەر، جولاۋشىلار ۆاگوندارى، پرەميۋم-كلاس­تى قۇبىرلار، ماقتا تسەلليۋلوزاسى، پوليپروپيلەن جىپتەر جانە ت.ب. شىعارۋ جولعا قويىلدى.

اەا قاتىسۋشىلارى ءۇشىن بيز­نەستى مەملەكەتتىك قولداۋ تۇرىندە بىرقاتار جەڭىلدىكتەر جاسالدى. اتاپ ايتقاندا، رەزيدەنتتەر كورپوراتيۆتىك، جەر جانە م ۇلىك سالىعىن تولەمەيدى. اەا اۋماعىندا ساتىلاتىن تاۋارلار ءۇشىن قوسىمشا قۇن سالىعىنىڭ (ققس) مولشەرلەمەسى 0-گە تەڭ. جەر ۋچاسكەلەرىنە بارلىق قاجەتتى ينفرا­قۇرىلىم تارتىلادى. ۋچاسكەلەر اەا رەجى­مىنىڭ بارلىق كەزەڭىنە تەگىن بەرى­لەدى. قاتىسۋشىلار جالداۋ جانە جەر سالىعىن تولەۋدەن بوساتىلدى.

سوڭعى جاڭالىقتار

وتكەن تاۋلىكتە 8 ادام كۆي جۇقتىردى

كوروناۆيرۋس • بۇگىن، 10:35

ۇقساس جاڭالىقتار