ەلوردا • 23 قاڭتار، 2022

نۇر-سۇلتاندا 12 مىڭنان استام پاتەر تەكسەرىلدى

99 رەت كورسەتىلدى

ەلوردادا «قۇقىقتىق ءتارتىپ» جەدەل-پروفيلاكتيكالىق ءىس-شاراسى ءوتىپ جاتىر، دەپ حابارلايدى Egemen.kz نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

پوليتسەيلەر مەن اسكەري قىزمەتكەرلەردەن قۇرالعان ءموبيلدى توپتار قالا كوشەلەرىن ارالادى.

شارا باستالعالى 12 مىڭنان استام پاتەر، سونداي-اق جالدامالى تۇرعىن ۇيلەر تەكسەرىلدى.

سونىمەن قاتار، پوليتسەيلەر كولىك جۇرگىزۋشىلەرىنىڭ جول قوزعالىسى ەرەجەلەرىن بۇزۋ فاكتىلەرىن انىقتادى.

ەلوردا جولدارىندا 16 ماس جۇرگىزۋشى ۇستالىپ، كولىكتەر كوممۋنالدىق تۇراققا قويىلدى.

ماسەلەن، كەشە تۇنگى ساعات 00.05-تە تۇركىستان-سىعاناق كوشەلەرىنىڭ قيىلىسىندا پوليتسيا پولكىنىڭ مامانداندىرىلعان باتالونىنىڭ قىزمەتكەرلەرى 26 جاستاعى جۇرگىزۋشى باسقارعان ۆاز كولىگىن توقتاتتى.

قۇجاتتاردى تەكسەرۋ كەزىندە جۇرگىزۋشىدەن الكوگول ءيىسى شىققان.

ساراپتاما قورىتىندىسى بويىنشا ەر ادامدا جەڭىل دارەجەلى الكوگولدىك ۋلانۋ انىقتالدى. قۇقىق بۇزۋشىعا قاتىستى قر قك 608-بابى بويىنشا اكىمشىلىك ءىس قوزعالدى.

پروتسەسسۋالدىق شەشىمدى سوت قابىلدايدى. كولىك قوعامدىق كولىك تۇراعىنا قويىلدى.

«ەستەرىڭىزگە سالايىق، كولىكتى ماس كۇيىندە باسقارعانى ءۇشىن ءتارتىپ بۇزۋشىلار 15 تاۋلىككە قاماۋعا الىنادى جانە جەتى جىل مەرزىمگە كولىك قۇرالىن باسقارۋ قۇقىعىنان ايىرىلادى»، دەپ حابارلادى پوليتسيا قىزمەتى.

سوڭعى جاڭالىقتار

ۇقساس جاڭالىقتار