قازاقستان • 22 قاڭتار، 2022

45 قىلمىستىق ءىس تەرروريزم اكتىلەرىمەن تەرگەلۋدە

83 رەت كورسەتىلدى

باس پروكۋراتۋرا جىل باسىندا ەلىمىزدە بولعان لاڭكەستىك ارەكەتتەر كەزىندە زارداپ شەككەن ادامدار مەن بيزنەس وبەكتىلەرىنە قاتىستى وقيعالاردى تەرگەۋگە ەرەكشە نازار اۋدارۋدا، دەپ حابارلايدى Egemen.kz.

قازىرگى ۋاقىتتا جەدەل تەرگەۋ توپتارىمەن 819 قىلمىستىق ءىس تەرگەلۋدە. ونىڭ ىشىندە 45-ءى تەرروريزم اكتىلەرىمەن، 36-ى جاپپاي تارتىپسىزدىكپەن، 15-ءى ادام ءولتىرۋ دەرەكتەرىمەن تەرگەلىپ جاتىر. 

ولاردىڭ اراسىندا ۇرلىق، توناۋ، قارۋدى جىمقىرۋ، بيلىك وكىلىنە قاتىستى كۇش قولدانۋ فاكتىلەرى دە بار.

بۇل ىستەر بويىنشا 970 كۇدىكتىلەر قاماۋعا الىنىپ، ولاردىڭ ىشىندە 182-ءسى سوتتىڭ سانكتسياسىمەن كۇزەتپەن ۇستاۋعا الىنعان. 29-نا قاتىستى ۇيقاماقتا ۇستاۋ تۇرىندەگى بۇلتارتپاۋ شارالارى قولدانىلعان.

«464 ادامدار تەرروريزم جانە جاپپاي تارتىپسىزدىك ىستەرى بويىنشا ۇستالىندى. بۇدان باسقا، 226 ازامات ۇرلىق، 60-سى قارۋدى زاڭسىز ساقتاۋ، 39-ى قارۋلاردى جىمقىرۋ، 25-ءى بۇزاقىلىق، 21 توناۋ دەرەكتەرىمەن قاماۋعا الىندى»، دەدى قر باس پروكۋراتۋراسى ءبىرىنشى قىزمەت باسشىسىنىڭ ورىنباسارى ەلدوس قيلىمجانوۆ.

باسقا دا قىلمىستىق ىستەر بويىنشا ۇستالىنعان ادامدار بار.

«وسى جەردە ءتۇسىندىرىپ وتكەن ءجون بولار، ءبىر قىلمىستىق ءىس بويىنشا بىرنەشە ادام، ياعني سىبايلاس قاتىسۋشىلار بولۋى مۇمكىن. بۇل دەرەكتەر ءالى دە تۇپكىلىكتى ەمەس. ولار پروكۋراتۋرامەن ۇستاۋ نەگىزدەرىن تەكسەرۋ جانە سوتتاردا قاماۋعا الۋ ىستەرىنىڭ قارالۋ ناتيجەسىنە بايلانىستى. اتاپ ايتقاندا، 29 ۇستالعان تۇلعالار بويىنشا سوتتارمەن قاماۋعا الۋعا باس تارتىلعان، ولار قازىر بوساتىلدى. پروكۋرورلار قاماۋعا الىنعانداردىڭ ۇستاۋ مەكەمەلەرىن كۇندەلىكتى تەكسەرۋدە. ءبىز،  ادامداردى ۇستاۋعا نەگىزدەر بولماۋىنا بايلانىستى 96 ادامدى ۋاقىتشا ۇستاۋ يزولياتورلارىنان بوساتتىق»، دەدى ول.

سوڭعى جاڭالىقتار

يكبال الەمى

تانىم • كەشە

اسكەردەگى ادەبي كۇن

ايماقتار • كەشە

دامۋدىڭ كىلتى

قوعام • كەشە

ەل سەنىمىن ارقالاعان

قازاقستان • كەشە

تورعاي سۇڭقارى

ادەبيەت • كەشە

ۇلى شايقاس

ونەر • كەشە

ۇقساس جاڭالىقتار