قوعام • 21 قاڭتار، 2022

Qatar Airways جانە Air Arabia قازاقستانعا رەيستەردى قايتا باستادى

53 رەت كورسەتىلدى

Qatar Airways جانە Air Arabia اۋە كومپانيالارى قازاقستانعا رەيستەردى قايتا باستادى. بۇل تۋرالى قر يندۋستريا جانە ينفراقۇرىلىمدىق دامۋ مينيسترلىگى مالىمدەدى، دەپ جازادى Egemen.kz.

2022 جىلعى 21 قاڭتاردان باستاپ كاتارلىق «Qatar Airways» اۋە كومپانياسى اپتاسىنا 2 رەيس جيىلىگىمەن دوحا – الماتى – دوحا باعىتى بويىنشا ۇشۋلاردى قايتا باستادى. رەيستەر دۇيسەنبى جانە جۇما كۇندەرى ا-320 ءتيپتى اۋە كەمەسىندە ورىندالادى.

سونىمەن قاتار، بىرىككەن اراب امىرلىكتەرىنىڭ «Air Arabia» اۋە كومپانياسى 2022 جىلعى 21 قاڭتاردان باستاپ ا–320/ا–321 ءتيپتى اۋە كەمەسىندە سەيسەنبى، بەيسەنبى جانە سەنبى كۇندەرى اپتاسىنا 3 رەيس جيىلىگىمەن شاردجا-الماتى-شاردجا باعىتى بويىنشا ۇشۋدى قايتا باستادى.

رەيستەر سانيتارلىق-ەپيدەميولوگيالىق تالاپتاردى قاتاڭ ساقتاي وتىرىپ جانە اۋە كومپانيالاردىڭ سايتىندا جاريالانعان كەستەگە سايكەس ورىندالادى.

سوڭعى جاڭالىقتار

ۇقساس جاڭالىقتار