ەلوردا • 21 قاڭتار، 2022

ەلورداعا «سپۋتنيك لايت» ۆاكتسيناسىنىڭ پارتياسى جەتكىزىلدى

57 رەت كورسەتىلدى

ەلوردا اكىمدىگىنىڭ قوعامدىق دەنساۋلىق ساقتاۋ باسقارماسىنىڭ قويماسىنا «سپۋتنيك لايت» ۆەكتورلىق ۆاكتسيناسى جەتكىزىلدى. 10 مىڭ دوزا مولشەرىندە ءبىرىنشى پارتيا كەلدى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

قالالىق دەنساۋلىق ساقتاۋ باسقارماسى بۇل ۆاكتسينا تەك حالىقتى رەۆاكتسيناتسيالاۋعا، ياعني تولىق يممۋنداۋ مەرزىمى اياقتالعاننان كەيىن قايتا ۆاكتسيناتسيالاۋعا ارنالعانىن اتاپ ءوتتى.

العاشقى ۆاكتسيناتسيا كەزىندە QazVac، Sinopharm، Hayat-Vac، Sinovac ەكپەسىن العاندارعا «سپۋتنيك لايت» پرەپاراتىمەن رەۆاكتسيناتسيالاۋعا بولادى.

ۆاكتسينا ارنايى مۇزداتقىشپەن جەتكىزىلىپ، تەمپەراتۋراسى -18 گرادۋس جانە ودان تومەن مۇزداتقىش جابدىققا ورنالاستىرىلدى. ەمحانالارعا بۇل ۆاكتسينا تىركەلگەن حالىق سانىن ەسكەرە وتىرىپ بولىنەدى.

مساك ۇيىمدارىنىڭ ۆاكتسيناتسيا پۋنكتەرىندە جانە ساۋدا ورتالىقتارىندا («كەرۋەن» سوو، «ابۋ دابي پلازا»، «ازيا پارك»، «ەۋرازيا» ءسۇ) رەۆاكتسيناتسيالاۋعا بولادى.

وسىلايشا، ەلوردادا رەۆاكتسيناتسياعا ارنالعان مىناداي ەكپەلەر بار: QazVac، Sinopharm جانە سپۋتنيك Light. Pfizer پرەپاراتىمەن ءتيىستى كونتينگەنت، سونداي-اق 60 جاستان اسقاندار مەن مەديتسينا قىزمەتكەرلەرى رەۆاكتسيناتسيالاي الادى.

سوڭعى جاڭالىقتار

ۇقساس جاڭالىقتار