ەكونوميكا • 21 قاڭتار، 2022

ۇلتتىق بانك: كۇماندى ترانسشەكارالىق وپەراتسيالارعا قارجى مونيتورينگى كۇشەيتىلدى

51 رەت كورسەتىلدى

بۇل تۋرالى ۇلتتىق بانك توراعاسى ەربولات دوساەۆ مەملەكەت باسشىسىنىڭ وتاندىق ينۆەستورلارمەن كەزدەسۋ بارىسىندا ايتتى، دەپ جازادى Egemen.kz.

«وسى جىلعى 10 قاڭتاردا ۇلتتىق بانكتىڭ، قارجى مونيتورينگى اگەنتتىگى (قما) مەن قارجى نارىعىن رەتتەۋ جانە دامىتۋ اگەنتتىگىنىڭ (قنردا) بىرلەسكەن بۇيرىعى قابىلداندى، وندا كۇشەيتىلگەن قارجى مونيتورينگىنە جاتاتىن ترانسشەكارالىق وپەراتسيالاردىڭ تىزبەسى بەكىتىلىپ، وپەراتسيالاردى جۇرگىزۋگە بەرىلگەن وتىنىمدەر بويىنشا ءىس-قيمىل الگوريتمى بەلگىلەندى. ەكىنشى دەڭگەيدەگى بانكتەر ءۇشىن بىرلەسكەن بۇيرىقتىڭ نورمالارىن ءتۇسىندىرۋ قازاقستان قارجىگەرلەرى قاۋىمداستىعىنىڭ قاتىسۋىمەن جەدەل تۇردە جۇرگىزىلدى»، دەدى ول. 

ەربولات دوساەۆتىڭ ايتۋىنشا، ۇزدىك الەمدىك پراكتيكانى ەسكەرە وتىرىپ، ەكىنشى دەڭگەيدەگى بانكتەر KYC (know your client) قاعيداتتارى شەڭبەرىندە تاۋەكەلى جوعارى وپەراتسيالاردى جان-جاقتى زەردەلەۋ جۇمىسىن كۇشەيتتى.

«پارلامەنتتىك سەسسيانىڭ سوڭىنا دەيىن قارجى مونيتورينگى شارالارىن ودان ءارى كۇشەيتۋگە جانە ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) ستاندارتتارى بويىنشا قارجى جۇيەسىنە KYC قاعيداتتارىن تولىق ەنگىزۋگە باعىتتالعان زاڭنامالىق تۇزەتۋلەر بلوگىن ازىرلەۋ جانە قابىلداۋ قاجەت دەپ ەسەپتەيمىز»، دەدى ۇلتتىق بانك توراعاسى.

سوڭعى جاڭالىقتار

ۇقساس جاڭالىقتار